Hvernig leita ég að óværum og spilliforritum? < Origo

 

Hvernig leita ég að óværum og spilliforritum?

Allar vírusvarnir bjóða upp á að skanna vélina fyrir óværum. Ef þig grunar að vélin þín sé ekki í lagi er gott að keyra ítarlega skönnun (e. "full scan") á vélina. Það tekur lengri tíma en flýti skönnun (e. "quick scan"). Þegar því er lokið kemur upp listi með því sem vírusvörnin fann og hvernig á að bregðast við. Þá velur þú að setja óværuna í sóttkví, e. "quarantine", sem sér til þess að vélin losnar við óværuna.

Windows Defender er til staðar á öllum Windows 8 og 10 stýrikerfum og er virkt þar til önnur vírusvörn er sett upp.

Einnig er gott að ná í forritið Malwarebytes og leyfa því að skanna vélina. Malwarebytes er frekar gert til þess að finna spilliforrit og annan óæskilegan hugbúnað og þjónar ekki sama tilgangi og vírusvörn.

Passa þarf að nota ekki nema eina vírusvörn í einu. Ef tvær eða fleiri vírusvarnir eru að vinna á sama tíma mun það hægja á stýrikerfinu og jafnvel valda öðrum bilunum.

Aðrar spurningar í þessum flokki