Um  Origo

Á döfinni

Aðstoð

FooterMenu

Rekstrarlausnir

Viðskiptahugbúnaður

Stafrænar sérlausnir

Lausnir

Fyrirtækið

Fjárfestar

Vinnustaðurinn

Öryggi og persónuvernd

Markaðsmál

Rafrænir reikningar

Um Origo

Netverslun

Viðgerðir og verkstæði

Heilbrigðislausnir

Mannauðs- og launalausnir

Ferðalausnir

Búnaðarsala og ráðgjöf

CCQ gæðastjórnunarlausnir

Focal lausnir

Bókhald og innheimta

Spurt og svarað

Stafrænn heimur og meiri gervigreind. Hlustaðu á Tæknilega séð nýjasta hlaðvarpsþátt Origo. 

Origo hefur þróað kerfi sem heldur utan um bólusetningar gegn Covid-19 og stýrir einnig flæði einstaklinga á bólusetningarstað. 

Kerfið sem Origo hefur þróað heldur utan um alla þá einstaklinga sem þurfa á bólusetningu að halda og í kerfinu er hægt að skrá í þá forgangshópa sem hafa verið skilgreindir. Vegna þess að bóluefnin eru mismunandi hefur kerfið verið forritað á þann hátt að einstaklingar eru kallaðir inn á mismunandi vegu eftir hverju bóluefni. 

Skráningin er gríðarlega einföld og byggir á því að einstaklingur fær sent strikamerki með SMS skilaboðum. Þegar einstaklingur er bólusettur er strikamerkið skannað og fara þá sjálfkrafa upplýsingar um bólusetninguna inn í öll kerfi heilbrigðiskerfisins. Upplýsingarnar um bólusetninguna eru þá komnar inn í bólusetningargrunn sóttvarnalæknis, sjúkraskrá einstaklings og inn í Heilsuveru, sameiginlega heilbrigðisgátt Íslendinga. Þar birtist síðan bólusetningarvottorð einstaklings, en Ísland var fyrst þjóða til að gefa út rafrænt bólusetningarvottorð. 

Bólusetningarkerfið passar að flæði og skipulag á bólusetningarstað sé gott. En mikilvægt er að álagið sé jafnt og ekki of margir mæti á sama tíma. Ísland stendur mjög framarlega hvað varðar skipulag bólusetninga og utanumhald. 

Heilbrigðislausnir Origo leiðandi í þróun hugbúnaðar

Ísland er komið mjög langt í stafrænni þróun og sjálfvirknivæðingu heilbrigðiskerfisins. Íslenskt heilbrigðiskerfi er einstaklega öruggt og gagnsætt vegna mikilla samtenginga milli kerfa. Síðustu 30 ár hafa heilbrigðislausnir Origo verið leiðandi í þróun á þeim rafrænu innviðum og kerfum sem eru til staðar í íslensku heilbirgðiskerfi. Þessir rafrænu innviðir og kerfi gera það að verkum að hægt var að þróa bólusetningarkerfi hratt svo hægt væri að bólusetja Íslendinga á öruggan hátt.

[button color="orange" arrow="true" path="https://www.origo.is/lausnir/heilbrigdislausnir"]Nánar um heilbrigðislausnir[/button]

Origo hefur þróað kerfi sem heldur utan um bólusetningar gegn Covid-19 og stýrir einnig flæði einstaklinga á bólusetningarstað.

Hvernig bestaði Ísland bólusetningarferlið?

 Covid-19 - lyftistöng eða reiðarslag?

Varla þarf að nefna að Covid-19 hefur haft djúpstæð áhrif á smásölu. Verslanir hafa neyðst til að loka og neytendur þurft að versla frá heimilum sínum. Þannig hefur heimsfaraldurinn verið lyftistöng fyrir netverslun en reiðarslag fyrir margar hefðbundnar verslanir.

Hér er ekki um að ræða umbyltingu heldur var eðlilegri þróun einfaldlega flýtt um fjölda ára á örstuttum tíma. Hlutfall netverslunar af heildarsmásölu hækkaði úr 3% árið 2018 í 7% árið 2020* og í nóvember 2020 jókst innlend netverslun um 353% milli ára**.

Þótt almennt sé búist við að venjur neytenda verði því sem næst „eðlilegar“ á ný, þegar takmörkunum vegna faraldursins verður aflétt, hafa aðstæður í smásöluverslun breyst svo ekki verður aftur snúið. Verslunareigendur sem höfðu verið að innleiða stafræna tækni jafnt og þétt hafa flýtt áætlunum sínum til þess að tryggja áframhaldandi rekstur á tímum snertilausrar afgreiðslu og fjarlægðartakmarkana. Aðrir sem voru skemmra á veg komnir hafa þurft að stíga stór tæknileg skref til að lifa af.

Þessir stafrænu innviðir verða ekki fjarlægðir til þess að taka aftur upp hefðbundnari verslunarmáta. Þar af leiðandi standa smásalar nú frammi fyrir þeirri áskorun að greina hvernig sé best að nýta stafrænar lausnir til að mæta þörfum neytenda að faraldrinum loknum.

Síðastliðið ár hafði í för með sér mikið umrót sem hafði haft djúpstæð áhrif á viðhorf neytenda. Heilbrigði og öryggi eru komin efst í forgangsröðina á sama tíma og einmanaleiki og félagsleg einangrun eykst. Fólk sem hefur misst vinnu hefur áhyggjur af fjárhag sínum en þeir sem hafa haldið starfi sínu hafa meiri ráðstöfunartekjur en áður.

Þessi atriði hafa skipast í tvo andstæða flokka: Flutning yfir í stafræna tækni annars vegar og hins vegar flótta frá einangrun.

Stafræn tækni hefur aflað sér margra nýrra fylgjenda í heimsfaraldrinum. Eldri neytendur sem áður sniðgengu rafræn viðskipti og kusu heldur hefðbundnar verslanir neyddust til að aðlagast og eru nú sáttir við hraðann og þægindin sem fylgja því að versla á netinu og fá vöru senda heim eða afhentar í snjallbox.

Á móti kemur ómótstæðileg þörf fyrir að komast út, njóta félagsskapar og umgangast fólk. Gera má ráð fyrir að hefðbundnar verslanir verði alltaf nauðsynlegar til að mæta þörfinni fyrir félagsleg samskipti og þörf neytenda til að snerta og prófa vörur áður en þær eru keyptar. Framtíð verslunar verður því blanda af tæknilegri og raunverulegri upplifun þar sem báðar aðferðir bæta hvor aðra upp og mynda heild sem mætir kröfum neytenda um öryggi, samskipti, gæði og fjárhag.

Hnökralaus stafræn þjónusta við neytendur

Þáttur stafrænnar tækni í verslun hefur aukist og sannað gildi sitt undanfarin ár og fest sig rækilega í sessi á liðnu ári en þó hefur ekki öllum áföngum verið náð. Stóra breytingin næstu misseri mun felast í samþættingu tæknilausna við verslun í raunheimum, þ.e. notkun stafrænnar tækni til að auka þægindi, traust, hagkvæmni, öryggi, ánægju og töfraljóma við hefðbundinn verslunarmáta.

Meðan heimsfaraldurinn hefur enn áhrif á viðhorf neytenda má m.a. nýta stafræna þjónustu til að halda fjölda í verslunum og biðröðum í lágmarki, bjóða neytendum upp á tímapantanir yfir netið, auðvelda vöruleit, verðsamanburð og könnun vörubirgða til að tryggja að allar verslunarferðir skili árangri.

Þjónusta við viðskiptavini – sem er þegar afgerandi þáttur í fyrirtækjahollustu – verður í fyrirrúmi þegar verslun fer í auknum mæli fram á netinu. Verslunarfyrirtæki munu þurfa að nýta sér ýmsar hugbúnaðarlausnir s.s. netverslunarlausn, vöruhúsalausn, net-spjall, þjónustugátt, viðskiptavinakerfi, póstlistakerfi o.s.frv. og þurfa fyrirtæki þá að ganga úr skugga um að lausnir þeirra séu traustar, öruggar og áreiðanlegar. Einn brestur, ósannandi, gagnaleki eða sein þjónusta gæti verið nóg til að senda viðskiptavin rakleiðis til keppinauta.

Með breyttri neytendahegðun aukast kröfur á ferla, kerfi og starfsfólk verslana. Mun fleiri pantanir yfir netið eykur þörf fyrir skilvirkni í vörutínslu og sveigjanleika í vöruafhendingu. Fyrirspurnum yfir netið þarf að svara jafn skjótt og ef viðskiptavinur myndi hringja eða mæta á staðinn. Ýmiskonar ný gögn munu verða aðgengileg fyrirtækjum sem þau framsæknu munu nýta til að bæta þjónustu, auka kross-sölu (cross-selling) og auka skilvirkni.

Rafræn viðskipti bjóða upp á marga kosti fyrir smásala, neytendur og samfélagið. Lægri kostnaður, lægra verð, aukið val, færri ferðir, minni mannfjöldi, fjölbreyttari afhendingarmáti og svo mætti lengi telja. En það væru mistök að ætla að þetta sé einu kröfur neytenda. Að versla er meira en að leita að vöru, finna hana á viðráðanlegu verði, greiða fyrir hana og taka við henni. Örvun skynfæranna við að sjá, finna og lykta af vörum áður en þær eru keyptar er áhrifaríkur hvati sem enn hefur ekki verið hægt að leysa með stafrænni tækni.

Fyrir fjölda neytenda voru verslunarferðir vikuleg dægrastytting og verða það eflaust fyrir marga neytendur á ný. Margir kunna vel við sig í margmenni og gleðjast við að rekast á vini og kunningja.

Þannig verður framtíð verslunar samblanda af stafrænum lausnum og hefðbundnum verslunarrýmum. Farsælustu smásalarnir verða þeir sem tekst að samtvinna þessa þætti með árangursríkum hætti.

 [button border="orange" path="https://www.origo.is/lausnir/afgreidslulausnir"]Stfrænar verslunarlausnir[/button]

Verslun og smásala: Stafrænar lausnir í kjölfar heimsfaraldurs

Þótt almennt sé búist við að venjur neytenda verði því sem næst „eðlilegar“ á ný, þegar takmörkunum vegna faraldursins verður aflétt, hafa aðstæður í smásöluverslun breyst svo ekki verður aftur snúið.

90% stjórnenda íslenskra fyrirtækja búast við að netárásir færist í aukana á þessu ári. 15% búast við mikilli aukningu og 75% við nokkurri aukningu árása. 10% búast við óbreyttu árteiti, að því er fram kemur í könnun Gallup, sem gerð var fyrir Origo.  Stjórnendur erlendis virðast deila sömu áhyggjum, ef marka má aðrar greiningar og kannanir. 

Lítill munur var á viðhorfi fyrirtækja annars vegar á höfuðborgarsvæðinu og hins vegar á landsbyggðinni. Þá var lítill munur á viðhorfi fyrirtækja á neytendamarkaði eða fyrirtækjamarkaði eða út frá stærða eða veltu.  

Úrtakið voru fyrirtæki með fjóra starfsmenn eða fleiri, handahófsvalin úr fyrirtækjaskrá og viðhorfshópi Gallup. Gagnaöflun stóð yfir þar til u.þ.b. 400 svörum var náð.

Vaxandi áhyggjur af netárásum einskorðast ekki aðeins við Ísland en víða er gert ráð fyrir að fjöldi árása fari vaxandi og um leið sá kostnaður sem hlýst af slíkum árásum, ef marka má colbat.io. Þá segir í könnun PWC að 71% æðstu stjórnenda fyrirtækja  í Bandaríkjunum hafi miklar áhyggjur af netárásum. 

Einn helsti sérfræðingur í netöryggi með vefvarp hjá Origo

Könnun Gallup og Origo var gerð í tengslum við vefvarp Origo þann 15. apríl með Charlie McMurdie, einum helsta sérfræðingi heims í netöryggi og aðgerðum gegn tölvuárásum.

 McMurdie starfaði í 32 ár í lögreglunni í Bretlandi þar sem hún stofnaði og stýrði tölvudeild sem tókst á við tölvuglæpi og netárásir. Hún starfaði einnig í netöryggissveitinni fyrir Ólympíuleikana í London 2012 og var síðast yfirráðgjafi tölvubrota hjá PwC.

 Í vefvarpnu mun McMurdie ræða sína reynslu af stórum verkefnum, svo sem frá Ólympíuleikunum í Lundúnum, aukna getu tölvuþrjóta til þess að herja á fyrirtæki og einstaklinga og hvernig við getum brugðist við þessari vaxandi óárán.

 [button border="orange" path="https://www.origo.is/vidburdir/verdur-2021-ar-tolvuarasa"]Skráning á viðburðinn[/button]

Fyrirtæki búast við aukningu í netárásum

90% stjórnenda íslenskra fyrirtækja búast við að netárásir færist í aukana á þessu ári. 15% búast við mikilli aukningu og 75% við nokkurri aukningu árása. 10% búast við óbreyttu árteiti, að því er fram kemur í könnun Gallup, sem gerð var fyrir Origo.

Íslensk fyrirtæki búast við aukningu netárása

"Fjórða iðnbyltingin er hafin með hraðri framþróun í gervigreind. Við sjáum gervigreind með auknum algóriþma ná betri tökum á vélrænu námi sem nýtist til að taka fyrir okkur einfaldar ákvarðanir í undirkerfum," segir Arnar Gunnarsson tæknistjóri Origo sem rýndi í tækniárið 2018.
"Það eru núna að koma fram nýjungar í skýjalausnum sem fáum hefði órað fyrir þannig að ég tel að 2018 verði ár enn frekari innleiðingar á gervigreind."

"Fjórða iðnbyltingin er hafin með hraðri framþróun í gervigreind. Við sjáum gervigreind með auknum algóriþma ná betri tökum á vélrænu námi sem nýtist til að taka fyrir okkur einfaldar ákvarðanir í undirkerfum," segir Arnar Gunnarsson tæknistjóri Origo sem rýndi í tækniárið 2018.

"Fjórða iðnbyltingin er hafin með hraðri framþróun í gervigreind. Við sjáum gervigreind með auknum algóriþma ná betri tökum á vélrænu námi sem nýtist til að taka fyrir okkur einfaldar ákvarðanir í undirkerfum," segir Arnar Gunnarsson tæknistjóri Origo sem rýndi í tækniárið 2018. "Það eru núna að koma fram nýjungar í skýjalausnum sem fáum hefði órað fyrir þannig að ég tel að 2018 verði ár enn frekari innleiðingar á gervigreind."

Hefur þú verkefni í huga?

Hafðu samband