Blogg

ÁTVR innleiðir rafræna hillumiða frá Origo

Sunna Mist Sigurðardóttir26/07/2022

Vínbúðir ÁTVR hafa innleitt SES Imagotag rafræna hillumiða í allar sínu stærstu verslanir. Almennt er mikil ánægja með lausnina í heild sinni en mikill tími hefur sparast bæði við að verðmerkja vörurnar en einnig við áfyllingar, innkaupapantanir og vörutalningar.

SES Imagotag er leiðandi vörumerki á heimsvísu í stafrænum verðmiðamerkingum. Alls hafa 16 verslanir ÁTVR innleitt SES Imagotag rafræna hillumiða um allt höfuðborgarsvæðið, á Selfossi og á Akureyri.

Umhverfisvænni lausn

Rafrænir hillumiðar eru notaðir til að verðmerkja og veita frekari upplýsingar um vörur í verslunum. Hægt er að uppfæra allar verðbreytingar og upplýsingar sjálfkrafa á verðmiðunum í gegnum fjárhagskerfi verslunarinnar. Því sparast hér mikill tími við verðlagningu.

Stór kostur við rafrænu hillumiðana er sparnaður við útprentun á pappír og að þurfa ekki sífellt að prenta nýja hillumiða. Einnig uppfærir fjárhagskerfið ekki rafrænu hillumiðana nema þörf sé á og þannig eykst líftími miðanna til muna. SES Imagotag áætlar að á síðasta ári hafi viðskiptavinir sínir náð að spara 8.700 tonn af pappír eða um 150.000 tré með því að notast frekar við rafræna hillumiða en útprentaða miða.

Notast er við öfluga Wi-Fi senda með rafrænu hillumiðunum frá SES Imagotag. Einungis þarf einn Wi-Fi sendi í mjög stór rými í stað 10-15 infrarauðra senda eins og tíðkast hefur í verslunum hérlendis.

SES Imagotag er með fjölbreytt úrval af rafrænum hillumiðumSES Imagotag er með fjölbreytt úrval af rafrænum hillumiðum

Einföld og skipulögð innleiðing

Að sögn Jónu Grétarsdóttur, markaðsstjóra ÁTVR, uppfylltu SES Imagotag rafrænu hillumiðarnir allar þær kröfur sem Vínbúðin hafði. Hröð og mikil uppbygging í þróun hillumiðakerfa SES Imagotag hafði áhrif á valið.

Innleiðingin gekk vel fyrir sig þegar allt efni var komið og var vinnan vel skipulögð hjá Origo. Kerfið sjálft er einfalt svo það þurfti ekki langan tíma til að læra á það.
Innleiðingin gekk vel fyrir sig þegar allt efni var komið og var vinnan vel skipulögð hjá Origo. Kerfið sjálft er einfalt svo það þurfti ekki langan tíma til að læra á það.

segir Jóna Grétarsdóttir, markaðsstjóri ÁTVR.

Handtölvulasun fylgir rafrænu hillumiðunum frá SES ImagotagHandtölvulasun fylgir rafrænu hillumiðunum frá SES Imagotag

Handtölvulausn fylgir með hillumiðunum frá SES Imagotag sem að sögn Jónu virkar vel og er einföld í notkun. Mikill kostur er að hafa stöðuga uppfærslu á hillumiðunum og að þeir innihaldi alltaf réttar upplýsingar. 

Ekki bara verðmerking

Rafrænu hillumiðarnir veita ekki eingöngu upplýsingar um verðið á vörunni, heldur er einnig hægt að sjá á miðunum ef vara klárast í verslun. Þannig sjá viðskiptavinir strax ef vara er tímabundið ekki til og sömuleiðis auðveldar það starfsfólki að sjá hvar þarf að bæta á hillurnar. Rafrænu hillumiðarnir eru allir með QR kóða sem gerir viðskiptavinum kleift að fá ítarlegri upplýsingar um vöruna og lager stöðu í öðrum Vínbúðum.

Rafrænu hillumiðarnir frá SES Imagotag í verslun ÁTVRRafrænu hillumiðarnir frá SES Imagotag í verslun ÁTVR

Mikill tímasparnaður

Verkefnið hefur gengið vel en verslanir ÁTVR sem hafa tekið inn rafrænu hillumiðana eru allar mjög ánægðar með þessa lausn og tímasparnaðinn við að þurfa ekki að prenta út nýja hillumiða um hver mánaðarmót.

Helsti kosturinn er vinnusparnaður. Í stað þess að endurraða og skipta út prentuðum hillumiðum reglulega, þá breytast verð og aðrar upplýsingar nú sjálfkrafa án nokkurrar viðkomu starfsfólks. Í dag er hillumiðinn einfaldlega paraður saman við vöruna og kerfið finnur réttu upplýsingarnar og uppfærir eftir þörfum.
Helsti kosturinn er vinnusparnaður. Í stað þess að endurraða og skipta út prentuðum hillumiðum reglulega, þá breytast verð og aðrar upplýsingar nú sjálfkrafa án nokkurrar viðkomu starfsfólks. Í dag er hillumiðinn einfaldlega paraður saman við vöruna og kerfið finnur réttu upplýsingarnar og uppfærir eftir þörfum.

 segir Jóna og bætir við: „Einnig sparast tími við áfyllingar þar sem miðinn er stilltur á „áfyllingar-ham“ í upphafi dags og þannig getur okkar starfsfólk séð með auðveldum hætti hver lagerstaðan á vörunum er. Þar sparast mikill tími í hlaup.“

Deildu blogginu
Um höfundinn
Sunna Mist SigurðardóttirLausnarstjóri hjá Origo

Hefur þú verkefni í huga?

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000