ThinkPad fagnar 30 ára afmæli

Þann 5. október árið 1992 fæddist fyrsta ThinkPad fartölvan og breytti leiknum. Tölvan hét ThinkPad 700c. Hönnuðir IBM horfðu til hins japanska Bento nestisbox þegar þessi klassíska vél var hönnuð sem vann yfir 300 verðlaun á tveimur mánuðum. ThinkPadinn varð strax stöðutákn og hefur þjónað á fjarlægustu stöðum heimsins ásamt ótal ferðum út í geim og má segja að hún hafi breytt heiminum til hins betra.

ThinkPad hönnunin sameinar form og notagildi á einstakan hátt ásamt því að bæta upplifun notandans með áherslu á gæði. 30 árum síðar eru nýjustu vélarnar enn auðþekkjanlegar sem hin einstaka ThinkPad fartölva.

Björn Gunnar Birgisson hefur verið vörustjóri ThinkPad í rúmlega 20 ár og segir margt hafa breyst síðan fyrsta ThinkPad tölvan var kynnt til leiks.

„Það er búið að vera ótrúlega gaman að fylgjast með tækniþróun síðustu ára, vinna með flottasta framleiðandanum og sjá fartölvur þróast úr rúmlega 3 kg vélum í 1 kg á meðan afköst hafa rúmlega 200 faldast.“

30 ár er langur tími í tölvuheiminum þar sem lögmál Moore lifir góðu lífi og hafa verið framleiddar um 200 milljón ThinkPad fartölvur á þeim tíma. Fyrstu vélarnar kostuðu nánast bílverð en það hefur aldeilis breyst.

Björn segir ferðalagið hafa verið magnað og flestir átti sig ekki á því hversu mikið frelsi ThinkPad hefur veitt notendum.

„Hönnuðir ThinkPad halda í japanskar hefðir í bland við hátækni morgundagsins og hafa verið leiðandi þegar kemur að innleiðingu nýjunga. Það er samt eitthvað notalegt við það að vita að hverju notandinn gengur þegar hann endurnýjar ThinkPad vélina sína. Hágæðavara og frábær árangur í þjónustu hefur skilað sér í yfir 50% markaðshlutdeild á fyrirtækjamarkaði enda segi ég alltaf að allir eigi skilið að fá ThinkPad,“ segir Björn að lokum.

Tímalína ThinkPad

• 1992: ThinkPad 700c - fyrsta vélin með litaskjá

• 1993: ThinkPad 750c - fyrsti ThinkPadinn í geimferðum

• 1994: ThinkPad 755CD - fyrsta fartölvan með geisladrifi

• 1997: ThinkPad 770 - fyrsta fartölvan með DVD drifi

• 1999: ThinkPad 600 - fyrsta ofurlétta fartölvan fyrir fólk á ferðinni

• 2000: ThinkPad i1300 - fyrsta fartölvan með innbyggðu WIFI

• 2000: 10 milljón ThinkPad véla seldar

• 2003: ThinkPad T - fyrsta vélin með diskaöryggiskerfi (APS)

• 2004: ThinkPad fyrsta vélin með fingrafaralesara

• 2005: stóra árið þegar Lenovo eignast IBM PC

• 2006: fyrsta Lenovo ThinkPad vélin, X41

• 2008: ThinkPad X300 - þynnsta og léttasta 13" vélin á markaðnum

• 2009: ThinkPad W700ds - fyrsta fartölvan með 2 skjám

• 2012: ThinkPad X1 Carbon - léttasta 14" vélin á markaðnum og er enn

• 2014: 100 milljón ThinkPad seldar

• 2016: ThinkPad X1 Yoga - fyrsta fyrirtækjafartölvan með OLED skjá

• 2018: ThinkPad X1 Extreme er öflugasta X1 frá upphafi

• 2020: ThinkPad Fold - fyrsta samanbrjótanlega fartölvan

• 2022: 200 milljón ThinkPad véla seldar

• 2022: 10 ára afmæli X1 Carbon og 10 milljón vélar seldar