Sjálfsafgreiðslulausnir

Sjálfsafgreiðslustandar nýtast afar vel fyrir veitingastaði og verslanir. Gott dæmi um slíka lausn eru sjálfsafgreiðslustandar fyrir Dominos pizzur. Þar geta viðskiptavinir staðfest komu til að sækja og greitt fyrir pöntun sé hún ógreidd.

Afgreiðsluskjár sem snýr að starfsfólki sýnir hvaða pantanir má afgreiða. Þannig þarf starfsmaður aðeins að kalla upp þá viðskiptavini sem eru mættir og hafa greitt fyrir pöntun. 

Sjálfsafgreiðslulausnir hafa í för með sér aukin þægindi og hagræðingu. Viðskiptavinur afgreiðir sig sjálfur á tiltölulega einfaldan hátt og þarf yfirleitt ekki að bíða í biðröð. 

Í sjálfsafgreiðslustöndum fyrir heilbrigðisstofnanir er hægt að staðfesta bókaðan tíma. Standurinn birtir stað og stund bókaðs tíma. Skjólstæðingur greiðir einnig komugjald í gegnum sjálfsafgreiðslustandinn. Heilbrigðisstarfsmaður getur þá séð í sjúkraskrárkerfi stofnunarinnar að sjúklingurinn sé mættur.

Sjálfsafgreiðslustandar auka hagræði og minnka hættu á villum. Starfsmaður, sem var áður í móttöku, hefur tíma til að sinna öðrum störfum.

Við bjóðum sjálfsafgreiðslulausnir fyrir bílaleigur og hótel sem einfalda allt þjónustuferlið og þægindin til muna. Afgreiðsla á bílaleigubílum tekur mjög oft langan tíma og myndast þá löng röð eftir þjónustu. Sjálfsafgreiðslustandur hjálpa til við að einfalda ferlið. Viðskiptavinurinn finnur bókunarnúmerið sitt í standinum og getur fengið lykil í skáp sem hann opnar í gegnum smáforrit. Engar raðir og opið allan sólarhringinn því viðskiptavinurinn getur sótt bílinn hvernær sem honum hentar. 

Heimurinn er að þróast í þá átt að ferðamenn munu í auknum mæli innritað sig sjálfir á hótel. Þar getur viðskiptavinurinn sjálfur sótt lykil með bókunarnúmerinu sínu og fengið aðgang að herberginu sínu. Slíkt sparar tíma og fyrirhöfn og gefur viðskiptavininum betri upplifun af hótelinu og ferðalaginu í stað þess að bíða eftir afgreiðslu og þurfa að fylla inn ýmsar upplýsingar áður en hann kemst á hótelherbergið.

Cover hótellausnir samanstanda af fullkomnu hótelbókunarkerfi með nútímalegu viðmóti, sjálfvirkni í samskiptum og greiðslum auk tenginga við endursöluaðila, tekjustýringartól og iPad kassakerfi. Aukin ánægja er meðal starfsmanna í ferðaþjónustu og viðskiptavina með Cover bókunarkerfið.

Fyrirtæki sem bjóða upp á afþreyingarferðir nota flest bókunarkerfi og geta tekið á móti bókunum í gegnum netið. Meira mál er fyrir viðskiptavininn að panta aukabúnað sem hann þarf á að halda í afþreyingarferðir.

Þar geta sjálfsafgreiðslustandar hjálpað til við að selja aðgang í viðkomandi afþreyingu og gefa möguleika á að panta þann aukabúnað sem þarf fyrir ævintýraferðina.