The Booking Factory eitt af bestu hótelbókunarkerfunum < Origo

 
 

Íslenskt hótelbókunarkerfi valið eitt af þeim bestu

06.08.2020

The Booking Factory hefur verið valið eitt af bestu hótelbókunarkerfum árið 2020 af hotelminder.com, sem sérhæfir sig í tækni og markaðsráðgjöf fyrir sjálfstæð hótel og gististaði. Lausnin er þróuð af  Origo.

Það er afar ánægjulegt að The Booking Factory sé talið upp á meðal bestu hótelbókunarkerfa í heiminum. Þar er kerfið í hópi mjög þekktra lausna sem hafa náð eftirtekarverðum árangri og hárri markaðshlutdeild í Evrópu og víðar.

 Origo keypti lausnina af bresku félagi í árslok 2019 en hún hafði þá verið markaðssett undir heitinu cover.is hér á landi síðustu tvö ár. Með kaupunum sameinuðust vörumerkin undir heiti The Booking Factory. Bókunarkerfið er í boði á Íslensku, ensku og 9 öðrum tungumálum og eru ráðgjafar og þjónustufulltrúar The Booking Factory staðsettir á Íslandi, Bretlandi og Serbíu.

Í notkun hjá hundruðum hótela

The Booking Factory er í notkun hjá hundruðum hótela og gististaða í yfir 30 löndum. Um er að ræða heildarlausn fyrir gististaði en lausnin býr yfir bókunarkerfi með tengingar við allar helstu sölurásir eins og booking.com, Expedia og Airbnb, bókunarvél og vefsíðuþemu fyrir vefsvæði hótelsins, greiðslukerfi með tengingar við Borgun og Valitor, sjálfvirkum tölvupóstsendingum til viðskiptavina, bókhaldstengingar við DK, Xero og Reglu.

Nýsköpun er lykilatriði í starfsemi Origo og við höfum um árabil lagt áherslu á þróun nýrra lausna fyrir flest svið íslensk atvinnulífs. Vitanlega eru töluverðar áskoranir í umhverfi ferðaþjónustufyrirtækja í dag en Origo stendur traustum fótum og mun nú sem endranær halda áfram að hjálpa viðskiptavinum að ná betri árangri í sínum rekstri.