LENOVO < Origo

 
 

Skrifaðu glósurnar beint á skjáinn

23.04.2019

Lenovo Yoga fartölvurnar eru vinsælustu fartölvurnar sem við seljum hér í verslun Origo í Borgartúni og í netverslun. Þessar vélar hafa reynst afar vel fyrir kröfuhörðustu notendur enda eru þær mjög góðar í alla staði.

Undir og stórmerki gerast í Yoga stellingunni

Lenovo Yoga fartölvurnar eru þunnar og léttar en að sama skapi mjög öflugar. Þær eru með mjög góðum snertiskjá sem hægt er að snúa alveg aftur sem gerir hann sérlega sveigjanlegan. Tölvan er því Yoga liðug og þaðan kemur raunar nafnið á henni. Hægt er að opna Yoga tölvuna 180° og nota hana í þeirri stellingu sem hentar verkefninu hverju sinni. Þegar Yoga er sveigð í Yoga stellingu þá gerast undur og stórmerki en hún dregur inn lyklaborðið svo að það verður slétt. Það gerir notkun í spjaldtölvuham þægilegri og vélina betri viðkomu. Yoga er því einstök vél sem sýnir vel hvert þróun fartölva stefnir og færir notendur inn í framtíðina á skemmtilegan hátt.

Tæknivæddur snertiskjár og penni

Lenovo Yoga eru mjög öflugar vélar og með öllum þeim vélbúnaði sem fólk þarf í dag, hvort sem er í skóla, vinnu eða til heimilis- og afþreyingarnota. ,Þar spilar inn í hversu meðfærilegar þær eru og skjárinn sveigjanlegur. Nýjustu Yoga tölvurnar eru komnar með nýjan og afar tæknivæddan snertiskjá. Þeim fylgir afar fullkominn penni sem hægt er að nota til að skrifa á skjáinn.

Lenovo fartölvurnar hafa verið að standa sig mjög vel og gæðin eru mikil. Lenovo er stærsti PC fartölvuframleiðandi í heimi og það segir meira en mörg orð hversu vörur framleiðandans eru góðar og vinsælar um heim allan.

Lenovo Legion tekur tölvuleikinn á næsta stig

Legion leikjavélarnar hafa einnig verið mjög vinsælar hjá okkur í verslun Origo. Það kemur ekki á óvart enda eru þétta frábærar leikjatölvur. Legion vélarnar taka tölvuleikinn á næsta stig enda eru þær með mikið af ljósum sem býður upp á mikla stemmningu, flottar mýs, lyklaborð ofl. Við erum með þrjár mjög öflugar Legion leikjavélar hér í versluninni þar sem fólk getur komið og prófað að spila t.d. Fortnite og Apex. Það geta allir fundið eitthvað við sitt hæfi í Legion leikjatölvunum.

Upplifun að versla hjá Origo

Við leggjum mikla áherslu á að upplifunin í verslun Origo, hvort sem það sé í gegnum netverslun eða Borgartúni 37, sé fyrsta flokks. Við viljum að fólk geti komið inn í verslunina og prófað og upplifað tölvu- og leikjaheiminn við bestu aðstæður. Það er skemmtilegt að geta boðið upp á svona upplifun og við finnum það á viðskiptavinum að þeir eru ánægðir með þetta. Við ætlum að einblína á þetta í framtíðinni og bjóða upp á upplifun því það er ekki nóg að vera bara með vörurnar í hillunum þótt þær séu góðar. Fólk gerir meiri kröfur í dag og við viljum bregðast við því. Við erum afar stolt af að bjóða upp á úrval af bestu merkjunum í tækjum og má þar nefna Bose, Sony, Canon og Platronic.