Hvenær lendir dróninn með vöruna? < Origo

 
 

Hvenær lendir dróninn með vöruna?

04.10.2016

Við erum einfaldlega að horfa á sprengingu í framleiðslu og sölu á drónum á komandi árum. Gert er ráð fyrir að 2,5 milljónir dróna verði seldir í Bandaríkjunum á þessu ári. Árið 2020 má svo búast við að hátt í 7 milljónir svífi um loftin blá þar í landi, ef marka má Bloomberg.

Um leið og drónar verða sífellt fyrirferðameiri á heimilum hvort sem það er hér á landi eða úti í heimi þá eru mörg fyrirtæki að átta sig á notagildi þessara tækja. Ýmis nafntoguð fyrirtæki úti í heimi hafa prófað dróna við heimsendingar, hvort sem það er bóksalar, raftækjasalar eða pizzustaðir. Við vildum ekki vera eftirbátar, enda segjum við oft að upplýsingatæknifyrirtæki eins og Nýherji þurfi ávallt að vera með annan fótinn í framtíðinni.

þeir sem rýna inn í framtíðina eru nokkuð sannfærðir um að heimsendingar með dróna komi í staðinn fyrir sendla á móturhjólum eða hjólum á komandi árum úti í hinum stóra heimi. BBC gerði fyrir nokkrum árum tilraun til að rýna inn í borg framtíðarinnar, nánar tiltekið árið 2050. Þar eru slíkar heimsendingar daglegt brauð. Hann segir að drónar muni án efa verða nýttir í mörgum öðrum tilgangi, ef allar spár ganga eftir, svo sem í landbúnaði. Þá verði forvitnilegt að fylgjast með þróun á regluverki fyrir slík tæki á komandi árum.

Okkur langaði semsagt að prófa að fljúga með vöru milli staða úr verslun okkar. Við sendum Lenovo spjaldtölvu úr Borgartúni yfir í næsta hverfi og það gekk snurðulaust fyrir sig, en vitanlega var drónanum fylgt eftir alla leið af þeim sem stýrði honum. Enn sem komið er getum við ekki sett á sjálfstýringu en hver veit hvað gerist í framtíðinni. Allar spár gera ráð fyrir að heimsendingar með dróna verði veruleiki í nánustu framtíð úti í heimi. Við hjá Nýherja teljum okkur hafa góða reynslu af framtíðinni og kannski rekur þessi tæknibylting á fjörur okkar áður en langt um líður?