101 í Windows 10 uppfærslu < Origo

 
 

101 í Windows 10 uppfærslu

28.07.2015

Á næstu dögum kemur Microsoft með spennandi uppfærslu á Windows stýrikerfinu. 

Meðal nýjunga eru:

  • Start hnappurinn kemur aftur
  • Stýrikerfið er hraðara en nokkru sinni
  • Öruggasta Windows stýrikerfið frá upphafi
  • Microsoft Edge vefrápari með fullt af nýjungum
  • Meiri tenging við Office sem verður Office 2016
  • Xbox leikir í Windows
  • Ný öpp f. myndir, tónlist, kort, póst ofl. með tengingu við OneDrive
  • Betri tenging á milli mismunandi tækja notanda
  • Windows Hello öryggiskerfi

Meira hér

Hvernig á að uppfæra?

Windows 10 verður dreift í gegnum netið frá 29. júlí eftir ákveðnu skipulagi en segja má að flestir geti uppfært frá byrjun ágúst. Aðeins mun takmarkað magn tölva fá uppfærsluna í júlí (sem hafa sérstaklega óskað eftir því). Uppfærslan er ókeypis fyrir helstu Windows kerfi til 29. júlí 2016. Það tekur Microsoft einhvern tíma að senda öllum uppfærslu enda eru þeir að uppfæra um 500 milljón tölvur.

Þær Windows útgáfur sem geta uppfærst í gegnum netið (Windows update) eru Windows 7 SP1 og Windows 8.1 SP14. Notendur þessara kerfa verða fyrst að uppfæra í viðkomandi service pakka áður en Windows 10 fer inn ásamt því að uppfæra bios ofl. skv. leiðbeiningum Lenovo. Aðrir notendur verða að nota USB til þess að uppfæra og getum við aðstoðað við slíkt ef þarf (gegn vægu gjaldi).

Til þess að fá uppfærsluna þarf að hafa “Windows Update” virkt og birtist þá Windows merki (Get Windows App) í hægra horni tölvunnar þegar uppfærslan er klár. Þá þarf að fara inn og skrá sig fyrir uppfærslu. Henni verður svo hlaðið niður þegar hún er tilbúin (um 3GB) og tölvan lætur þig svo vita hvenær hún getur uppfærst. Það eina sem þú þarft að gera er að taka afrit af gögnum (eins og venjulega). Uppfærslan sjálf tekur frá 20-60 mínútur. 

Við ráðleggjum fyrirtækjanotendum að ráðfæra sig við tölvuumsjón áður en uppfærslan er sett inn svo að allt verði í lagi með helstu kerfi fyrirtækisins. Notendur Windows Home útgáfa sem vilja fara í PRO verða að kaupa uppfærslu en hún fæst á vægu verði.

Hvaða kerfi uppfærast í Windows 10?

  • Windows 7 starter, Windows 7 Home basic og Windows 7 Home Premium verða Windows 10 Home
  • Windows 7 Professional og Windows 7 Ultimate verða Windows 10 Pro
  • Windows Phone 8.15 verður Windows 10 Mobile
  • Windows 8.1 verður Windows 10 Home
  • Windows 8.1 Pro og Windows 8.1 Pro for Students verður Windows 10 Pro

Þess má geta að Windows Media Center dettur út við uppfærsluna og þarf því annan hugbúnað til þess að skoða t.d DVD myndir. Leikirnir í Windows 7 sem sumum finnast ómissandi hverfa og þarf að sækja sérstaklega undir “Microsoft Solitaire Collection” og “Microsoft Minesweeper” í Microsoft store.

Ef þú ert með virka vírusvörn þá mun Windows 10 uppfæra hana og enduruppsetja. Ef áskriftin er ekki virk setur Windows upp Windows Defender. Við mælum með því að nota Microsoft kenni til þess að skrá sig inn og taka afrit inn á OneDrive skýið.

Lágmarkskröfur fyrir Windows 10 eru mjög hóflegar:

  • 1GHz örgjörvi
  • 2GB minni
  • 20GB diskapláss
  • Skjákort sem styður Direct X 9 eða hærra.
  • Skjár: 800x600 að lágmarki

En vissulega keyrir það betur á nýrri vélbúnaði og má fá ótrúlega gott úrval af búnaði frá Nýherja. Þó er nánast öruggt að búnaður sem kom með Windows 8 keyrir Windows 10 ef reklar eru uppfærðir.

Að uppfærslu lokinni mælum við með því að notendur ThinkPad og ThinkCentre keyri Lenovo System Update til þess að fá nýjustu Lenovo reklana. Notendur IdeaPad fá reklana í gegnum Windows og svo hér. 

Lenovo mælir með því að taka út helstu forrit áður en uppfært er og prófa vélbúnað áður, hér má finna frábærar leiðbeiningar.

 

Hér má finna aðra fróðleiksmola:

Windows Community Forum

Windows 10 support hjá Lenovo

Við vonum að sem flestir nýti sér uppfærslu í Windows 10 sem er mest spennandi stýrikerfi síðustu ára og að uppfærslan gangi snurðulaust. Mundu þó að taka afrit og geyma gögn á öruggum stað.