FjárfestafréttirNýherji hf. selur Dansupport A/S6. janúar 2014

Nýherji hf. hefur selt danska félagið Dansupport A/S til fjarskipta- og upplýsingatæknifélagsins Jansson Kommunikation A/S.  Dansupport er þjónustufyrirtæki í upplýsingatækni sem sérhæfir sig í innviðum upplýsingakerfa, samþættum samskiptum (Unified Communications) og þróun á lausnum fyrir IP símtækni. Um 30 manns unnu hjá félaginu á árinu 2013. Félagið var stofnað árið 1987 og varð hluti af Nýherjasamstæðunni árið 2007. Tekjur Dansupport á árinu 2012 voru um 50 milljónir DKK.

Söluverð Dansupport er trúnaðarmál.  Salan mun hafa óveruleg áhrif á niðurstöðu rekstrar- og efnahagsreiknings Nýherja hf. fyrir árið 2013, en mun treysta lausafjárstöðu félagsins og skerpa áherslur í starfsemi þess.

 „Á síðustu mánuðum hefur verið unnið að stefnumótun og endurskilgreiningu á megináherslum Nýherja samstæðunnar. Markmiðið með slíkri vinnu er að skapa skarpari sýn á grunnstoðir félagsins og þá markaði, viðskiptavini og lausnir sem áhersla verður lögð á til næstu ára. Sala á Dansupport er í takt við breyttar áherslur sem vænta má í starfsemi Nýherja, sem munu miða að því að efla þjónustu- og lausnaframboð á sviði upplýsingatækni á íslenskum fyrirtækjamarkaði.  Við þökkum stjórnendum og starfsfólki Dansupport afar gott samstarf á undanförnum árum.“ segir Finnur Oddsson, forstjóri Nýherja.

Nýherji hf. er skráð hlutafélag í Kauphöll Íslands (NASDAQ OMX Iceland) undir auðkenninu NYHR. Hjá Nýherja samstæðunni starfa um 500 manns. Dótturfélög þess eru TM Software og Applicon, en Applicon hefur starfsemi á Íslandi, Danmörku og Svíþjóð. Heildarvelta Nýherja hf. var 14.182 mkr ISK á árinu 2012.

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000