FjárfestafréttirNýherji selur rekstur tækjaleigu félagsins3. júní 2014

Nýherji hf. hefur gengið frá sölu á starfsemi Tækjaleigu Nýherja til Sonik Tækni ehf., sem tekur yfir reksturinn þann 15. júní nk. Kaupverð er trúnaðarmál en salan hefur óveruleg áhrif á rekstrarniðurstöðu Nýherja á árinu.

Tækjaleiga Nýherja hefur um árabil sérhæft sig í tækniþjónustu við hvers konar viðburði, t.a.m. tónleika, ráðstefnur, o.fl. Leigan hefur boðið upp á afar vönduð vörumerki, svo sem Yamaha og L-Acoustics. Nýherji mun áfram annast sölu á viðkomandi vörumerkjum og annast rekstur á miðlægum tölvubúnaði fyrir Sonik Tækni (streymiþjónusta, leigukerfi o.fl).

„Nýherji hefur að undanförnu unnið að endurskilgreiningu á megináherslum félagsins sem fela í sér skarpari sýn á starfsemina. Salan á Tækjaleigunni til Sonik Tækni er í takt við nýjar áherslur Nýherja, sem er að efla þjónustu- og lausnaframboð í upplýsingatækni fyrir íslensk fyrirtæki. Við væntum þess að starfsemi Sonik Tækni muni vaxa og dafna á næstu misserum og hlökkum til góðs samstarfs í sameiginlegum verkefnum“ segir Finnur Oddsson forstjóri Nýherja.  

 

Nánari upplýsingar:
Finnur Oddsson, forstjóri Nýherja, í síma +354 862 0310.

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000