CCQ hugbúnaðarlausnin okkar náði heldur betur frábærum árangri í Beacon nýsköpunarkeppni tæknirisans IBM.

Lausnin komst í lokaúrslit Beacon, en úrslitin voru kunngerð á IBM THINK tæknimessunni í Las Vegas.

Hátt í 500 lausnir frá samstarfsaðilum IBM alls staðar úr heiminum tóku þátt í keppninni og einungis fáar lausnir náðu í lokaúrslitin.

„Árangur CCQ kom okkur skemmtilega á óvart og er einfaldlega frábær viðurkenning fyrir Origo. Við höfum lagt mikla áherslu á þróun eigin hugbúnaðarlausna enda teljum við að þar liggi helstu vaxtasprotar félagsins til framtíðar. Við höfum skynjað afar góða eftirspurn eftir CCQ á íslenskum markaði ekki síst vegna þess að hún styður við GDPR, nýja persónuverndarreglugerð ESB, sem tekur gildi í lok maí. Jafnframt gerum við okkur vonir um að lausnin nái eyrum viðskiptavina víðar en á Íslandi þegar fram líða stundir, enda einstök lausn og býr yfir mikilli sérstöðu,“ segir Hákon Sigurhansson framkvæmdastjóri Hugbúnaðarlausna Origo.