FréttOrigo verður bakhjarl VERTOnet09.10.2018 22:39
Origo verður bakhjarl VERTOnet

Origo mun verða bakhjarl VERTOnet sem eru hagsmunasamtök kvenna í upplýsingatækni, og aðstoða þau í að efla veg kvenna í greininni. 

„Markmið VERTOnet felst í að hvetja konur til þátttöku í upplýsingatæknitengdu námi og störfum og styrkja tengslanet þeirra. Það er mikill akkur fyrir okkur að fá stuðning frá Origo sem er eitt af leiðandi upplýsingatæknifyrirtækjum landsins,“ segir Linda Stefánsdóttir hjá VERTOnet samtökunum.

„Origo leggur rækt við að laða til sín öflugt fólk af báðum kynjum. Fyrirtækið hefur fest í sessi jafnlauna- og jafnréttisáætlun auk aðgerðaáætlun jafnréttismála, þar sem meðal annars er lögð áhersla á jöfn laun og sömu tækifæri til starfsþróunar báðum kynjum til handa. Samstarf okkar við VERTOnet er enn ein varðan í þeirri vegferð,“ segir Dröfn Guðmundsdóttir mannauðsstjóri Origo.

VERTOnet á sér norska fyrirmynd en systursamtökin, Oda-Nettverk, hafa nýst vel í að efla hlut kvenna í upplýsingatækni þar í landi.

Origo er þjónustufyrirtæki í upplýsingatækni, hjá fyrirtækinu starfa 450 manns.

Frá vinstri á mynd: Nanna Pétursdóttir, VERTOnet, Dröfn Guðmundsdóttir, Origo, og Linda Stefánsdóttir, VERTOnet. 

Til baka í fréttir

Have a project in mind?

Let's connect

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000