FréttOrigo kaupir Strikamerki 29.05.2019 14:48
Origo kaupir Strikamerki

Í dag var skrifað undir kaupsamning vegna kaupa Origo hf. á öllu hlutafé í Strikamerki hf.

Strikamerki er upplýsingatæknifyrirtæki sem útvegar fyrirtækjum lausnir fyrir rafrænan rekstur í formi vélbúnaðar, hugbúnaðar, ráðgjafar og þjónustu.

Áherslur fyrirtækisins eru á afgreiðslulausnir, handtölvulausnir og prentlausnir en undir þessa flokka falla meðal annars afgreiðsluhugbúnaður, sjálfsafgreiðslulausnir, afgreiðslukassar, miðasölukerfi, bókhaldskerfi, handtölvur, handtölvuferli, þráðlaus net, raddstýringarbúnaður, staðsetningarbúnaður, rúmmálsskannar, prentarar, prentlausnahugbúnaður, rekstrarvörur og álímingarbúnaður. Helstu viðskiptavinir eru verslanir, vöruhús, veitingahús og önnur þjónustufyrirtæki.

Strikamerki þróar og selur eigin hugbúnaðarlausnir undir vörumerkjunum Snerta og SagaPOS verslunarkerfi, IceLink handtölvulausnir, IceLabel prentlausnir og IceMonitor gagnastýringar. Þessar vörulínur eru í notkun hjá fjölmörgum íslenskum fyrirtækjum.

Tekjur Strikamerkis hf. voru um 360 mkr árið 2018 og hjá fyrirtækinu starfa 10 manns.

 Viðskiptin eru meðal annars háð samþykki Samkeppniseftirlitsins.

Stefnt er að því að kaupin gangi í gegn á þriðja ársfjórðungi 2019.

Finnur Oddsson, forstjóri Origo:

„Kaup Origo á Strikamerki er spennandi áfangi, fyrir Origo, Strikamerki og stóran hóp viðskiptavina okkar.  Markmiðið með kaupum á Strikamerki er að breikka lausnaframboð okkur og styrkja á ákveðnum sviðum, einkum í afgreiðslulausnum og tæknibúnað fyrir verslunar- og þjónustustarfsemi þar sem þróun er hröð og ákall viðskiptavina um aukið hagræði skýrt. Við munum áfram leitast við að þjóna þessum síbreytilegum þörfum viðskiptavina enn betur og eru kaupin á Strikamerki liður í því.”

Sæmundur Valdimarsson, framkvæmdastjóri Strikamerkis:

„Strikamerki er rúmlega tveggja áratuga gamalt, traust upplýsingatæknifyrirtæki sem hefur meðal annars útvegað mörgum af stærri fyrirtækjum landsins lausnir, vörur og þjónustu fyrir rafrænan rekstur. Hjá Strikamerki starfar öflugur hópur sérfræðinga sem mun halda áfram að veita viðskiptavinum framúrskarandi þjónustu. Í kaupum Origo á Strikamerki felast tækifæri fyrir starfsmenn Strikamerkis að ganga til liðs við eitt öflugasta upplýsingatæknifyrirtæki landsins því í stærri heild eru fleiri tækifæri, fjölbreyttari verkefni og nýir vinnufélagar. Síðasta en ekki síst er þetta jákvætt fyrir viðskiptavini Strikamerkis því nú munu þeir hafa aðgang að öflugu 24/7 þjónustuborði og geta nú í raun fengið úrlausn allra sinna upplýsingatæknimála á einum stað.”

Til baka í fréttir

Hefur þú verkefni í huga?

Hafðu samband

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000