FréttHalda fjar-bingó fyrir starfsfólk31.03.2020 10:56
Halda fjar-bingó fyrir starfsfólk

Origo ætlar að halda fjar-bingó fyrir starfsfólk og fjölskyldur þeirra næsta laugardag. Arnór Fannar Reynisson formaður starfsmannafélags Origo segir að upphaflega hafi verið ákveðið að halda páskabingó eins og árin á undan en vegna samkomubannsins hafi því verið aflýst.

„Við erum hins vegar frekar þrjósk í starfsmannafélaginu og vildum reyna til þrautar að halda bingóið. Þess vegna datt okkur í hug að færa bingó stemmninguna heim í stofu til fólks. Ekki vanþörf á að halda uppi stemmningu og fjöri á þessu skrítnu tímum.“

Hann segir að dreifing bíngóspjalda, glaðnings og vinninga sé í gegnum snjallbox fyrir utan Origo. „Snjallboxið kemur í afar góðar þarfir fyrir okkur. Starfsfólk getur sótt bingóspjöldin þegar því hentar í gegnum kóða sem það fær við skráningu. Til að njóta bingósins þarf fólk að tengja sig við Zoom fundarforritið í gegnum sjónvarpið eða tölvu. Við ætlum svo að verðlauna sérstaklega fyrir skemmtilegustu stemmninguna heima fyrir. Það verður án efa mikið fjör.“

Arnór segir að mikill áhugi sé á viðburðinum enda hafi starfsfólk Origo verið duglegt að reyna að gera skemmtilega hluti í samkomubanninu, hittast á netinu í lok vinnudags eða að vinnudegi loknum. „Við búumst við örugglega hátt í 300 starfsmönnum og fjölskyldum þeirra. Það verða því fleiri hundruð sem taka þátt í fjar-bingói Origo þessa páskana.“

Til baka í fréttir

Have a project in mind?

Let's connect

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000