FréttInga ráðin sölustjóri hjá Origo 08.04.2020 15:21
Inga ráðin sölustjóri hjá Origo

Inga Steinunn Björgvinsdóttir hefur verið ráðin sölustjóri fyrir skýja- og öryggislausnir hjá upplýsingatæknifyrirtækinu Origo. Hlutverk Ingu verður að efla og samræma sölustarf og auka ráðgjöf til viðskiptavina.

Inga Steinunn hefur undanfarin níu ár starfað sem markaðsstjóri, ráðgjafi og stundakennari hjá Promennt. Þá hefur hún sinnt stundakennslu við Háskólann í Reykjavík og verið leiðbeinandi við lokaverkefni.

Inga Steinunn útskrifaðist með meistaragráðu í markaðsfræði og alþjóðaviðskiptum frá Háskóla Íslands árið 2012. Hún hafði áður lokið BA gráðu í stjórnun með áherslu á markaðsfræði frá DeMontfort University og Niels Brock í Kaupmannahöfn árið 2004.

Hún er einn af stofnendum og fyrstu stjórnarmeðlimunum VERTOnet, hagsmunasamtaka kvenna í upplýsingatækni. Inga Steinunn hefur einnig verið í stjórn LLPA, sem eru alþjóðleg samtök leiðandi fræðslufyrirtækja í upplýsingatækni, frá 2015.

Inga Steinunn er gift Hjörleifi Harðarsyni sjúkraskósmiði hjá Össuri og eiga þau tvö börn. Utan vinnutíma er nóg að gera hjá Ingu Steinunni en mikill tími fer í samveru með fólkinu hennar, líkamsrækt og sjálfboðaliðastörf í íþróttahreyfingunni.

Til baka í fréttir

Have a project in mind?

Let's connect

origo-logo
SkiptiborðMánudagar - Föstudagar kl.08:00-16:00Sími: 516-1000
Verslun í Borgartúni 37, 105. ReykjavíkMánudagar - Föstudagar kl.08:00-17:00Laugardagar kl.11:00-15:00
Verkstæði og vöruafgreiðsla Köllunarklettsvegi 8, 104. ReykjavíkMánudagar - Föstudagar kl.09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S:516 1000