FréttApple hluti af lausnaframboði Origo 27. ágúst 2021

Origo hf. hefur keypt 70% eignarhlut í Eldhafi ehf., sem er innflutningsaðili á Apple vörum. Markmiðið með kaupunum er að auka breidd í vöruúrvali og mæta óskum viðskiptavina Origo.

„Sala á notendabúnaði er vaxandi þáttur í rekstri Origo og hefur félagið fullan hug á því að efla þá starfsemi enn frekar með sölu á slíkum búnaði til einstaklinga, fyrirtækja eða stofnana. Eftirspurn eftir Apple vörum er í örum vexti hér á landi og með kaupum í Eldhafi teljum við okkur geta mætt fjölbreyttum þörfum ólíkra viðskiptavina,“ segir Gunnar Zoëga framkvæmdastjóri Notendalausna hjá Origo.

„Eldhaf hefur gengið vel að selja Apple vörur undanfarin misseri. Með þessum samruna getum við tekið næsta skref í vexti Eldhafs auk þess að geta samnýtt þekkingu og reynslu beggja fyrirtækja. Við sjáum mikil sóknarfæri í sölu á Apple vörum til skóla, stofnana og fyrirtækja til að styðja við frábæra viðskiptavini Origo og Eldhafs,“ segir Guðmundur Ómarsson framkvæmdastjóri Eldhafs.

Eldhaf rekur samnefnda netverslun og verslun á Akureyri.

Viðskiptin eru háð samþykki Samkeppniseftirlitsins.

Sjá fleiri fréttir

Hefur þú verkefni í huga?

origo-logo
Skiptiborð
Mánudagar - föstudagarkl. 08:00-16:00Sími: 516-1000
Verslun í Borgartúni 37105 Reykjavík
Mánudagar - föstudagarkl. 08:00-17:00Laugardagarkl. 11:00-15:00
Verkstæði og vöruafgreiðslaKöllunarklettsvegi 8104 Reykjavík
Mánudagar - föstudagarkl. 09:00-17:00
StarfsstöðvarAkureyriÍsafjörðurNeskaupsstaðurEgilsstaðir
Origo, Borgartún 37, 105 Reykjavík, kt: 530292-2079. S: 516 1000