07/07/2026
Bláa Lónið umbreytir gagnadrifinni ákvarðanatöku
Þegar heimsfaraldurinn stöðvaði starfsemi Bláa Lónsins opnaðist einstakt tækifæri til að endurhugsa hvernig fyrirtækið nýtti gögn. Í samstarfi við Maven var ráðist í umfangsmikla stafræna umbreytingu sem færði fyrirtækið frá sundurlausum kerfum og afturvirkum ...
VIÐSKIPTAVINUR
OKKAR AÐKOMA
Gögn • Gagnauppfærsla • Skýrslugerð • Rekstraryfirsýn • Tekjustýring
Nýja lausnin gerði stjórnendum kleift að fylgjast með bókunum, nýtingu og rekstri í rauntíma, bæta tekjustýringu og styðja við ákvarðanatöku þvert á fyrirtækið
Bláa Lónið er eitt þekktasta ferðaþjónustufyrirtæki Íslands og rekur heilsulind, hótel, veitingastaði og verslanir. Fyrirtækið þjónustar hundruð þúsunda gesta árlega og starfrækir fjölbreytta starfsemi sem krefst nákvæmrar yfirsýnar yfir bókanir, nýtingu og rekstur.
Nýja lausnin gerði stjórnendum kleift að fylgjast með bókunum, nýtingu og rekstri í rauntíma, bæta tekjustýringu og styðja við ákvarðanatöku þvert á fyrirtækið
Bláa Lónið er eitt þekktasta ferðaþjónustufyrirtæki Íslands og rekur heilsulind, hótel, veitingastaði og verslanir. Fyrirtækið þjónustar hundruð þúsunda gesta árlega og starfrækir fjölbreytta starfsemi sem krefst nákvæmrar yfirsýnar yfir bókanir, nýtingu og rekstur.
Í dag rekum við mælaborð og skýrslur fyrir allar rekstrareiningar fyrirtækisins. Gögn sem hafa rekstrarlegt mikilvægi eru uppfærð ört yfir daginn en önnur gögn eru uppfærð á nokkurra klukkustunda fresti. Við leggjum mikla áherslu á að tryggja að öll gögn séu rétt og uppfærð.
Sigurður Long
Áskorunin
Fyrir umbreytinguna voru gögn fyrirtækisins dreifð á milli fjölmargra kerfa sem þjónuðu mismunandi rekstrareiningum. Þetta skapaði nokkrar áskoranir:
Takmörkuð yfirsýn yfir reksturinn í heild.
Mánaðarlegar skýrslur sem byggðu á sögulegum gögnum.
Handvirk úrvinnsla gagna fyrir stjórnendur.
Erfitt að bregðast hratt við breytingum í eftirspurn.
Mörg ótengd kerfi fyrir hótel, heilsulindir, verslanir og rekstur.
Afleiðingin var sú að ákvarðanir voru oft teknar út frá því sem hafði gerst frekar en því sem var að gerast eða myndi gerast næst.
Bókunargögn eru ein mikilvægustu gögnin í þeirri atvinnugrein sem við störfum í. Við leggjum mikla áherslu á vandaðar prófanir áður en við setjum breytingar í loftið og notum samhliða því verkfærið Exmon til að keyra stöðugar gæðaskoðanir á gögnunum okkar. Við erum með um 100 sjálfvirkar gæðaskoðanir og auðvelt er að bæta við nýjum þegar þörf krefur.
Sigurður Long
•
Upplýsingatækni- og þróunarstjóri Bláa Lónsins
Lausnin
Við hönnuðum og innleiddum samþætt gagnavistkerfi sem tengdi saman kjarnakerfi fyrirtækisins og skapaði eina sameiginlega sannleikslind fyrir gögn.
Lausnin byggði meðal annars á:
Microsoft Business Central sem kjarnakerfi.
LS Retail lausnum fyrir hótel, heilsulindir, veitingarekstur og verslanir.
Azure skýjaumhverfi.
Power BI fyrir greiningar og mælaborð.
TimeXtender fyrir gagnastjórnun og gagnavöruhús.
Sérstök áhersla var lögð á rauntímagögn þar sem lykilupplýsingar úr bókunarkerfum uppfærast á nokkurra mínútna fresti og eru aðgengilegar stjórnendum í gegnum mælaborð.
Gerðu gögn að samkeppnisforskoti.
Ræddu við sérfræðing í gögnum og gervigreind
Hvort sem markmiðið er betri yfirsýn, skilvirkari rekstur eða innleiðing gervigreindar hjálpum við þér að byggja upp gagnalausnir sem skapa raunverulegt viðskiptavirði og styðja við framtíðarvöxt.