Þegar DORA er annars vegar skiptir rétt forgangsröðun öllu máli

Lífeyrissjóðurinn Gildi hafði unnið markvisst að innleiðingu DORA í um tvö ár þegar ákveðið var að fá óháðan aðila til að framkvæma sjálfstæða gloppugreiningu. Markmiðið var skýrt: Að fá staðfestingu á þeirri vinnu sem þegar hafði verið unnin og tryggja að fókusinn væri á réttum málaflokkum áður en lengra yrði haldið.

Vegna umfangs og kostnaðar við innleiðingu reglugerðarinnar taldi Gildi mikilvægt að fá sérfræðinga með djúpa þekkingu á málaflokknum til að meta stöðuna með ferskum augum. Það sem skipti mestu máli var að sannreyna hvort eigin greining sjóðsins væri í takt við raunverulegar kröfur og raunverulega áhættu.

Eftir að hafa metið nokkra samstarfsaðila varð Origo fyrir valinu. Að sögn Skúla vógu sérfræðiþekking, samkeppnishæft verð og skýr tímarammi þyngst við valið á samstarfsaðila.

Samstarfið fólst í ítarlegri yfirferð á stöðu sjóðsins, þar sem rýndir voru ferlar, áhættuþættir og tæknileg viðfangsefni er lúta að rekstraröryggi. Niðurstaðan veitti sjóðnum dýrmæta innsýn og staðfesti að þeir væru á réttri leið.

Greiningin gaf sjóðnum aukið öryggi í áframhaldandi innleiðingu. Þegar regluverkið er jafn viðamikið og raun ber vitni, skiptir máli fyrir stjórnendur að geta tekið upplýstar ákvarðanir byggðar á gögnum og sérfræðimati.