12/10/2023
Dulkóðunarlykillinn að þínum gögnum er kannski í skránni
Origo hélt nýverið fjölsótta ráðstefnu um gagnadrifin fyrirtæki og hvernig þau geta nýtt gögnin til að ná betri árangri.
Origo hélt nýverið fjölsótta ráðstefnu um gagnadrifin fyrirtæki og hvernig þau geta nýtt gögnin til að ná betri árangri og tryggt að lykillinn að þeim sé ekki skilinn eftir í skránni.
Samkvæmt persónuverndarlöggjöfinni þá ber fyrirtækjum skylda til þess að nota tæknibúnað til að dulkóða persónuleg gögn og sjá til þess að lykilinn að dulkóðuninni sé geymdur á öðrum stað en gögnin sjálf. Á ráðstefnunni var Kaare Maartensen, öryggisráðgjafi hjá hinu alþjóðlega fyrirtæki Thalesgroup með erindi.
Á þessu er mikil brotalöm því aðeins 14% fyrirtækja segjast stjórna sjálfir dulkóðunarlyklum fyrir þær skýjalausnir sem þeir eru að nota og að meðaltali eru aðeins 45% viðkvæmra gagna dulkóðuð
Kaare Maartensen
•
Öryggisráðgjafi hjá Thalesgroup
Kaare Maartensen, öryggisráðgjafi hjá Thalesgroup að halda erindiMeð gervigreind er auðvelt að falsa gögn, ert þú kannski orðinn bankaræningi?
Mörgum var brugðið þegar Kaare lýsti hvernig venjulegur maður gæti vaknað upp við það vera orðinn bankaræningi.
Þú gætir heyrt þína eigin rödd skipuleggja bankarán í símtali og séð þig á myndskeiði ráðast inn í banka til að ræna hann. Slík gögn gætu síðan farið eins og eldur um sinu á netinu og orðið til þess að lögreglan bankaði uppá hjá þér, því með gervigreind er auðvelt að falsa gögn.
Kaare Maartensen
•
Öryggisráðgjafi hjá Thalesgroup
Nauðsynlegt er því að geta rakið uppruna gagna ef svo ber undir og verja persónuleg gögn með tryggri dulkóðun. Því miður þá gleyma stjórnendur oft að ábyrgðin á því að öryggismálin uppfylli allar kröfur hvílir fyrst og síðast á fyrirtækjunum sjálfum en ekki þeim aðilum sem hýsa og geyma gögnin“, sagði Kaare að lokum.
Deila frétt