04/04/2023
Gagnaglíman, netöryggiskeppni ungs fólks er hafin
Glíman er undankeppni fyrir Netöryggiskeppni Evrópu og markmið hennar er að mennta ungt fólk í netöryggi og hvetja það til að leggja það fyrir sig sem atvinnu.
Gagnaglíman er undankeppni fyrir Netöryggiskeppni Evrópu, sem er haldin af Netöryggisstofnun álfunnar til að auka áhuga ungs fólks á netöryggi og hvetja það til að íhuga að leggja það fyrir sig sem atvinnu. Keppnin er haldin að frumkvæði háskóla-, iðnaðar- og nýsköpunarráðuneytisins og er styrkt af Origo og Syndis bæði með fjár- og vinnuframlagi.
Viðbragð við stórauknum fjölda netárása
"Við þurfum að fá góðan grunn í netöryggi á Íslandi. Það sést augljóslega á stórauknum fjölda netárása sem mörg íslensk fyrirtæki hafa orðið fyrir að undanförnu, svo ekki sé talað um að hvernig tölvum er nú beitt í stríðsrekstri", segir Hjalti Magnússon, formaður keppninnar.
Þetta er vaxandi vandamál. Það eru ekki nógu margir í heiminum sem hafa þekkingu til að starfa við netöryggi og við erum eftirbátar á Íslandi. Það er enginn háskóli sem kennir þetta hér, að undanskildum örfáum námskeiðum, þrátt fyrir að netöryggi sé atvinnugrein,“ segir Hjalti Magnússon formaður keppninnar
Hjalti Magnússon
•
Formaður keppninnar og ráðgjafi hjá Syndis
Veikleikar á vefsíðum
Verkefnin sem keppendur takast á við eru fjölbreytt, flest miða þau að því að finna leiðir til að brjóta netöryggi svo auðveldara sé að átta sig á því hvernig er hægt að verjast mögulegum árásum. Dæmi um verkefni í keppninni er vefsíða með veikleika, og í gegnum hann er hægt að stela gögnum eða taka tölvuna í gíslingu. Annað dæmi gæti verið að misnota forrit og komast í gegnum það í minni tölvunnar.
Innflutningur á heimsklassaþekkingu í netöryggismálum
Það eru 10 manns á aldrinum 15-25 ára sem fá að fara út í keppnina. Einn keppanda er valinn áfram í Evrópuliðið og tekur í framhaldinu þátt í álfukeppninni og fær heimsklassa þjálfun. "Það er ótrúlega mikil vitneskja sem fæst aftur heim í gegnum keppnina, sem eflir og styrkir þessa litlu þekkingu sem við höfum." segir Hjalti.
En er keppnin ekki bara fyrir "nörda"?
Hjalti MagnússonNetöryggi snýst í raun um að hugsa út fyrir kassann, út í eitthvað sem enginn sá fyrir. Það er mjög skapandi þó fólk átti sig ekki alltaf á því. Það þarf heldur enga sérstaka hæfileika eða að vera „nörd“, þetta er bara eins og að læra tennis eða að smíða, það þarf æfingu og áhuga.
Hjalti Magnússon
•
Formaður keppninnar
Gagnaglíman 2023 er hafin
Forkeppni Netöryggiskeppni Íslands er opin 1.-30. Apríl. Öllum er frjálst að taka þátt í forkeppninni!
Deila frétt