Origo er samstarfsaðili Atlassian á Íslandi

Origo var gestgjafi Atlassian Community fundar þann 7. september síðastliðinn, en Origo er eini samþykkti samstarfsaðili Atlassian á Íslandi (SolutionPartner) og lá því vel við að bjóða Atlassian samfélaginu í heimsókn. 

Umræðuefni fundarins var áhersla á sjálfvirkni í Jira þar sem Sverrir Tynes, Atlassian sérfræðingur hjá Origo og Sandra Axelsdóttir, Atlassian Community Leader fóru yfir bestu venjur í uppsetningu sjálfvirkni reglna í Jira og sýndu nokkur dæmi. Sjálfvirkni í kerfum Atlassian er gríðalega öflug virkni sem getur fækkað handtökum starfsmanna verulega og komið í veg fyrir mannleg mistök. 

Á Íslandi eykst notkun á Atlassian vörum stöðugt og hafa vörurnar slegið í gegn við að leysa þjónustu- og verkbeiðna þörf fyrirtækja og stofnana. Fyrirtæki hafa í síauknum mæli notað Atlassian vörur til að samræma verklag og samstilla verkefni innan og á milli deilda og auka þannig upplýsingaflæði og rekjanleika.