Origo gerist aðalstyrktaraðili Landsbjargar

Slysavarnafélagið Landsbjörg og Origo hafa gert samstarfssamning þar sem Origo gengur í hóp aðalstyrktaraðila Landsbjargar.

Finnum leiðina: Samstarf okkar skapar öryggi

Yfirskrift samstarfsins er „Finnum leiðina: Samstarf okkar skapar öryggi“ og sérstök áhersla verður lögð á stuðning við Landsbjörg í upplýsingatækni og netöryggismálum. Starfsemi Origo byggir á trausti og áreiðanleika og það er það markmið fyrirtækisins að vera í framvarðasveit þeirra þjónustuaðila á íslenskum markaði sem stuðla að öruggu rekstrarumhverfi og þjónustu, bæði gagnvart eigin innviðum og fyrir viðskiptavini. Starfsfólk Origo gleðst yfir því að hefja samstarf við hina eiginlegu framvarðarsveit íslensks öryggis.  

Hjá Slysavarnarfélaginu Landsbjörg þarf rétta þjálfun, öflugar forvarnir og rétt viðbragð við hvers konar vá. Þetta á ekki síður við í hinum stafræna heimi. Ný og stafræn tækni hefur á undanförnum árum rutt sér til rúms í björgunaraðgerðum og þar nýtist þekking Origo afar vel í samstarfinu.

Landsbjörg, Finnum leiðina

Afhjúpun neyðarskýlis tákn um viðbúnað

Til að heiðra samstarfið þá hefur Origo afhjúpað íslenskt neyðarskýli í höfuðstöðvum sínum í Borgartúni. Þetta er raunverulegt neyðarskýli sem var lengi notað á hálendi Íslands. Skýlið er sterkbyggt og öruggt og er ætlað að efla öryggisvitund. Fundarherbergi í höfuðstöðvum Origo mun einnig bera nafnið Landsbjörg héðan í frá.

Jón Björnsson forstjóri Origo og Kristján Þór Harðarson framkvæmdastjóri Landsbjargar