Sex nýir stjórnendur hjá Origo

Origo hefur nú ráðið til sín 6 nýja stjórnendur í mismunandi deildir innan fyrirtækisins. Eitt af markmiðum fyrirtækisins er að auka fjölbreytileika meðal starfsfólks en öll koma þau úr mismunandi áttum með mismunandi bakgrunn.

Geir Ulrich Skaftason, sem hef­ur verið ráðinn sem versl­un­ar­stjóri Origo eft­ir að hafa starfað hjá Voda­fo­ne/​365 í 6 ár, þar af 3 ár sem versl­un­ar­stjóri. Ásamt vinnu er Geir nú í Há­skól­an­um á Ak­ur­eyri að læra viðskipta­fræði með áherslu á stjórn­un og markaðsfræði.

Klara Jónsdóttir, sem hef­ur verið ráðin sem vöru­stjóri í þjón­ustu­lausn­um. Klara kláraði grunn­nám í ferðamála- og viðskipta­fræði og er auk þess með meist­ara­gráðu í viðskipta­fræði frá Há­skóla Íslands. Hún kem­ur frá Ari­on banka þar sem hún sinnti fjöl­breytt­um störf­um m.a. við sta­f­ræna þróun, upp­lif­un viðskipta­vina og vöru­stýr­ingu.

Kristín Líf Valtýsdóttir, sem hef­ur verið ráðin sem vöru­stjóri í heil­brigðis­lausn­um. Krist­ín Líf er með M.Sc.-próf í verk­fræði og kem­ur frá Control­ant en hún var einnig lengi hjá Mar­el. Hún hef­ur mikla reynslu af vöruþróun og vöru­stjórn í stór­um fyr­ir­tækj­um í hröðum vexti.

Lára Björk Erlingsdóttir, sem hef­ur verið ráðin sem hóp­stjóri kerf­is­rekst­urs. Hún er með BS í tölv­un­ar­fræði og M.Sc. í stjórn­un og stefnu­mót­um. Lára kem­ur frá Veður­stofu Íslands og þar áður starfaði hún m.a. hjá fjár­mála­fyr­ir­tækj­um og Sam­einuðu þjóðunum. Hún er með margra ára reynslu af vinnu í hug­búnaðagerð og hef­ur síðustu 5 ár verið í mis­mun­andi stjórn­un­ar­störf­um bæði í hug­búnaðargerð og tölvu- og kerf­is­rekstri.

Ljósbrá Logadóttir, sem hef­ur verið ráðin til að leiða viðskiptaþróun hjá þjón­ustu­lausn­um. Hún hef­ur starfað í upp­lýs­inga­tækni síðastliðin 10 ár og hef­ur víðtæka reynslu í samn­inga­gerð, birgja­sam­skipt­um og fjár­mál­um. Ljós­brá er með diplóma í ljós­mynd­un, BA í lög­fræði og MBA frá Há­skóla Íslands.

Þorbjörg Þórhildur Snorradóttir, sem hef­ur verið ráðin sem vöru­stjóri í heil­brigðis­lausn­um. Hún út­skrifaðist sem hjúkr­un­ar­fræðing­ur 2010 og sem tölv­un­ar­fræðing­ur árið 2020. Eft­ir út­skrift­ina vann hún sem verk­efna­stjóri hjá vel­ferðar­tækn­ismiðju Reykja­vík­ur­borg­ar.

Við bjóðum þau velkomin til Origo og hlökkum til að takast á við spennandi verkefni með þeim.