24/10/2025 • Sigfinnur Valur Viggósson
Hvernig fyrirtæki geta aukið rekstraröryggi með markvissri endurheimtaráætlun
Rekstraröryggi upplýsingakerfa er alvöru mál. Fyrirtæki verja 75–85% af fjármagni til upplýsingatækni í að tryggja samfelldan rekstur og uppitíma kerfa. Án skýrra viðmiða um uppitímakröfur og endurheimtartíma er hættan sú að fjárfestingar verði ómarkvissar og dýrar.
Netárásir og gagnagíslatökur eru stöðugt að aukast. Í fyrra tilkynntu átta íslensk fyrirtæki um gagnagíslatöku og yfir 4.100 tilkynningar komu á borð CERT-IS. Meðalkostnaður við gagnaleka er um 600 milljónir króna. Fyrirtæki sem starfa á Íslandi þurfa einnig að huga að séríslenskum áhættum – eins og tengingu landsins við umheiminn.
Fyrirtæki í alþjóðlegu umhverfi þurfa að tryggja stöðugan rekstur þrátt fyrir flókna innviði og dreifða starfsemi. Stjórnendur sem skilja mikilvægi endurheimtaráætlunar geta aukið uppitíma og dregið úr áhættu.
Kerfisbundin nálgun – sniðin að þörfum viðskiptavina
Þegar við komum að verkefnum sem varða rekstraröryggi upplýsingakerfa vinnum við eftir skýrri aðferðafræði sem byggir á greiningu, forgangsröðun og nánu samstarfi við viðskiptavininn. Origo vinnur með viðskiptavinum að því að:
Skilgreina kröfur um uppitíma
Greina núverandi stöðu
Útfæra lausnir sem tryggja endurheimt innan samþykktra tímamarka
Lausnin getur byggt á heitri, volgri eða kaldri staðsetningu – markmiðið er að aðlaga lausnir að rekstri og kröfum hvers og eins.
Útfærslur:
Heit staðsetning: Kerfi að fullu virk í tveimur eða fleiri gagnaverum
Volg staðsetning: Kerfi að fullu virk í einu gagnaveri, að hluta til virk í öðru
Köld staðsetning: Kerfi virk í einu gagnaveri, afrit í öðru, prófuð endurheimtaráætlun til staðar
Skýr viðmið – lykillinn að markvissum fjárfestingum
Sameiginlegur skilningur á áhrifum niðritíma býr til samtalsgrunn fyrir endurheimtaráætlun sem síðan leggur grunn að markvissari fjárfestingum. Reglulegar prófanir kalla á stöðuga endurskoðun, auka traust og hugarró haghafa.
Endurheimtaráætlun – lifandi skjal sem tryggir fumlaus viðbrögð
Leikbókin (e. DRP playbook) lýsir nákvæmlega hvernig kerfin eru endurreist þegar óvænt atvik verða. Hún skilgreinir hlutverk, ábyrgð og verkþætti – og er prófuð reglulega til að tryggja virkni í raunverulegum aðstæðum. Þetta skapar traust og fyrirsjáanleika.
Þegar áföll verða er mikilvægt að starfsfólk geti gripið til endurheimtaráætlunar. Fumlaus viðbrögð lækka spennustig, lágmarka mistök og stytta endurheimtartíma. Prófuð endurheimtaráætlun með þekktum tímaramma dregur úr óvissu og eykur traust.
Bóka ráðgjöf
Viltu tryggja rekstraröryggi og auka fyrirsjáanleika?
Hafðu samband við Origo í dag. Við vinnum með þér að greiningu, skilgreiningu og útfærslu endurheimtaráætlana sem standast raunverulegar aðstæður.
Höfundur bloggs
Sigfinnur Valur Viggósson
Forstöðumaður ráðgjafar
Deila bloggi