Það er auðveldara að stýra markaðsherferð í HubSpot

Það getur verið vandasamt verkefni að stýra markaðsherferð og meta árangurinn af henni, enda verið að ná til viðskiptavinarins í gegnum margar ólíkar rásir með fjölbreyttu efni. Með því að nota kerfi eins og HubSpot er hægt að ná betri yfirsýn og einfalda ferlið við stjórnun á markaðsherferðum.

Svona getur HubSpot auðveldað stjórnun markaðsherferðar:

Miðlægur vettvangur

Með því að nota HubSpot hefurðu miðlægan vettvang til að stýra ýmiskonar markaðsaðgerðum. Í HubSpot er hægt að senda út fjöldatölvupósta, stýra og hafa yfirlit yfir samfélagsmiðla, nýta tól til efnissköpunar, hlúa að sölutækifærum, nýta greiningartól og fleira. Með því að hafa öll þessi verkfæri á einum stað getur þú sparað tíma og fyrirhöfn við að stjórna og samræma mismunandi þætti herferðarinnar.

Skipulagning og utanumhald herferðar

HubSpot gerir þér kleift að skipuleggja og halda utan um markaðsherferðir þínar á skilvirkan hátt. Þú býrð til aðgerðir herferðarinnar s.s. markpósta, samfélagsmiðlafærslur og blogg inn í HubSpot. Þú stillir einnig upp markmiði, skilgreinir markhópa og ákvarðar sjálfvirkni herferðarinnar inn í kerfinu. Innan HubSpot er yfirlitssíða sem veitir sjónrænt yfirlit yfir árangur og framvindu herferðarinnar, sem auðveldar að fylgjast með og stýra lykilmælingum.

Sjálfvirkni

Sjálfvirkni í HubSpot gerir þér kleift að sjálfvirknivæða endurteknar aðgerðir, svo sem að senda tölvupósta, flokka markhópa og hlúa að sölutækifærum. Hægt er að búa til verkflæði (e. workflows) sem kveikja á aðgerðum sem byggja á ákveðnum skilyrðum. Sjálfvirk verkflæði geta hjálpað til við að stýra ákveðnum aðgerðum í herferðinni á skilvirkari hátt, tryggja samræmda framkvæmd aðgerða og ánægjulega upplifun viðskiptavina.

Sérsnið og miðun

HubSpot gerir þér kleift að sérsníða markaðsherferðir þínar út frá gögnum viðskiptavina og hegðun. Þú getur flokkað viðskiptavini, búið til markviss skilaboð og skilað sérsniðnu efni eftir ýmsum leiðum. Að sérsníða skilaboð getur aukið skilvirkni herferðarinnar og snertingar við viðskiptavini.

Gagnamælingar og greiningar

HubSpot býður upp á öfluga greiningar- og skýrslugerðareiginleika til að fylgjast með árangri herferðarinnar. Þú getur haft yfirlit yfir lykilmælingar, s.s. umferð á vefsíðu, kauphlutfall, opnun og smelli á tölvupósti. Einfaldleiki í skýrslugerð og möguleikinn á að sérsníða skýrslur gerir það auðveldara að greina gögn, fá innsýn og taka gagnadrifnar ákvarðanir til að hámarka árangur herferða.

Samvinna og samskipti

HubSpot býður upp á möguleikann á að einfalda samvinnu og samskipti á milli teyma og starfsmanna sem eru þátttakendur í herferð. Þú getur úthlutað verkefnum, fylgst með framvindu verkefna og unnið saman að efnissköpun innan kerfisins. Getan til að vinna saman tryggir að allir séu samstilltir og vinni saman að markmiðum herferðarinnar.

Þó að notkun HubSpot geti auðveldað stjórnun herferða, þá er mikilvægt að hafa í huga að það þarf góða þekkingu á kerfinu til að nýta möguleika kerfisins að fullu. Það er nauðsynlegt að þjálfa upp starfsfólk í því skyni að hámarka árangurinn á stjórnun markaðsherferða í HubSpot.

Ef þú vilt skoða nánar hvernig best er að stjórna markherferðum HubSpot þá er gott að skoða 9 skref í átt að árangursríkri herferð í HubSpot. Þér er líka velkomið að heyra í okkur fyrir frekari upplýsingar um stjórnun markaðsmála í HubSpot!