Við leitum að húsnæði fyrir vinnustað framtíðarinnar

Framtíðarhúsnæði

Framtíðarhúsnæði Origo þyrftu helst að vera um 3-4.000 m² skrifstofuhúsnæði auk 2.000 m² vöruhúss til að tryggja samvinnu milli eininga og mæta breytilegum þörfum okkar til framtíðar.

Mikilvægir eiginleikar húsnæðis

• Sjálfbær vistvæn hönnun (t.d. BREEAM eða Svansvottun) húsnæðis er mikill kostur 

• Góðar tengingar við vistvænar samgöngur, t.d. nálægð við framtíðar Borgarlínu 

• Sveigjanlegt innra skipulag til að mæta þróun og vexti fyritækisins  

• Kostur að auðvelt sé að svæðaskipta húsnæðinu, reynist þess þörf 

• Framúrskarandi hljóðvist í öllum rýmum og fullnægjandi hljóðeinangrun 

• Góð innivist, sérstaklega góð loftskipti og þægileg lýsing 

• Næg lofthæð, sér í lagi í vöruhúsi   

• Nægur fjöldi bílastæða fyrir starfsfólk og gesti

Innra skipulag húsnæðis

• Opin rými sem stuðla að góðu upplýsingaflæði og samvinnu meðal starfsfólks þó með möguleika á afstúkun 

• Rými til að skapa fjölbreytta vinnuaðstöðu í takt við hugmyndafræði verkefnamiðaðs vinnurýmis s.s. fundarrými, samvinnurými, næðis-og einbeitingarrými 

• Framúrskarandi eldhús með aðbúnaði sem styður við heilsustefnu fyrirtækisins 

• Matsalur sem einnig getur nýst í viðburðarhald á vegum Origo 

• Samverusvæði s.s. kaffikrókar á hæðum auk afþreyingaraðstöðu 

• Snyrtileg og ókyngreind salerni á hæðum 

• Búningsklefar með sturtuaðstöðu 

• Hjólaaðstaða

Kröfur til lóðar 

Markmiðið með markaðskönnuninni er að kanna framboð á lóðum sem uppfyllt geta þarfir framtíðarhúsnæðis félagsins m.t.t. stærðar og staðsetningar. Áformað er að flytja í nýtt húsnæði eigi síðar en í lok árs 2025. 

Kröfur til lóðar sem hentar framtíðarhúsnæði Origo

• Deiliskipulag lóðar og aðalskipulag svæðis sem tiltekið er í gögnum mögulegra samstarfsaðila, verður að heimila rekstur fyrirtækisins 

• Lóðin verður að vera á höfuðborgarsvæðinu 

• Kostur er ef hægt er að hýsa starfsemina á tveimur eða færri hæðum 

• Nálægð við almenningssamgöngur (Borgarlínu), göngu- og hjólaleiðir er ótvíræður kostur 

Almennar upplýsingar um fyrirtækið

Origo er nýsköpunarfyrirtæki með þríþætt framboð í upplýsingatækni: rekstrarþjónustu & innviði, hugbúnað og notendabúnað. Origo á rætur sínar að rekja allt til ársins 1899, frá skrifstofuvélum og fyrstu tölvunni hefur fyrirtækið vaxið og dafnað í áranna rás. Við trúum að „Betri tækni bæti lífið“og erum stöðugt að þróa lausnir með það markmið að tryggja árangur viðskiptavina okkar. 

Kennitala Origo er 530292-2079.  

Húsnæði Origo í dag eru í Borgartúni 37, 105 Reykjavík þar sem starfa um 400 manns. Auk þess að vera með þjónustumiðstöð, verkstæði og vörulager, þá er hluti af starfsemi okkar í Svíþjóð, Serbíu og Póllandi. Í heildina starfa um 600 manns í fjölbreyttum störfum heima og að heiman hjá Origo og dótturfélögum.  

Mikilvægt er að staðsetning og skipulag nýs húsnæðis félagsins verði í takt við starfsemi Origo í framtíðinni og geti mætt breytilegum þörfum félagsins til lengri tíma.