Nýjasta uppfærsla Business Central 28.0: Meiri sjálfvirkni, betri yfirsýn og hraðari ferlar

• Snjallari sjálfvirkni og betri aðstoð í kerfinu (Copilot og agentar).

• Skýrari samþættingar og betri vinnsla gagna/skjala (Power Platform, Dataverse, viðhengi).

• Betrumbætur fyrir þróun, öryggi og rekstur umhverfa (AL og stjórnun).

Stærsta breytingin í útgáfu 28.0 er áframhaldandi þróun á Copilot og sjálfvirkum "agentum" með það að markmiði að flýta úrvinnslu, fækka mistökum og gefa starfsfólki meiri tíma í það sem skapar virði.

Dæmi um nýjungar:

• Aukinn stuðningur við agentic lausnir og þróunarflæði (m.a. í VS Code).

• Verkgluggi (e. task pane) sem safnar saman og sýnir verkefni frá mismunandi agents.

• Meiri stjórn og gagnsæi: Hægt að yfirfara efni á síðum og stöðva virk verkefni hjá agent þegar þarf.

Fyrir fyrirtæki sem vilja draga úr handavinnu er þetta stórt skref í átt að vinnuumhverfi þar sem kerfið vinnur með þér og tekur virkan þátt í rekstrinum, sem skilar sér í betra flæði, hraðari afgreiðslu og stöðugum gæðum.

Meðhöndlun skjala getur oft orðið flöskuháls í ferlum. Í útgáfu 28.0 bætist við stuðningur við ytri geymslu fyrir viðhengi skjala, sem einfaldar stýringu á skjalageymslu og styrkir regluvörslu. Þetta er sérstaklega mikilvægt fyrir fyrirtæki með ríkar kröfur um öryggi og rekjanleika.

• Betri stjórn á hvar og hvernig viðhengi eru geymd.

• Einfaldari rekstur og samræming við aðrar lausnir og ferla.

Þegar gögn flæða hnökralaust á milli kerfa verður auðveldara að sjálfvirknivæða ferla og byggja lausnir sem styðja við vöxt. Í nýjustu útgáfunni hefur tengingin við Power Platform verið styrkt enn frekar. Þetta gerir þróun á Power Apps og Power Automate flæðum hraðari og öruggari, þar sem kortlagning gagna yfir í Business Central er nú mun einfaldari.

Fyrir þróunarteymi og IT felur 28.0 útgáfan í sér endurbætur sem styðja hraðari útgáfur, betri prófanir og sterkari öryggisstefnu í samþættingum svo hægt sé að þróa með trausti og halda rekstri stöðugum.

• AL próf er hægt að keyra beint úr Visual Studio Code.

• Betri stuðningur við symbols (NuGet) og greiningu á þróunarvinnu (t.d. BC-Bench).

• Öruggari útleið (e. outgoing) HTTP köll sjálfgefið, sem styður við öryggis- og stjórnunarkröfur.

Fyrirtæki sem eru með netverslanir vita að rétt gögn og góðar samþættingar eru lykillinn að betri upplifun viðskiptavina. Shopify samþættingin hefur fengið endurbætur sem gerir útflutning og samstillingu á vörugögnum markvissari.

• Item Attributes: Stuðningur við vöru valkosti byggða á eiginleikum.

• Product Variants: Betri samstilling á afbrigðum, þar á meðal myndum og sérsöfnum.

• Samræmi: Minni hætta á villum á milli ERP-kerfisins og netverslunarinnar.

Samhliða nýjungum Microsoft höfum við hjá Origo unnið hörðum höndum að því að uppfæra okkar sérlausnir. Frá síðustu uppfærslu höfum við lagt áherslu á að nýta nýjustu tækni Business Central til að gera okkar lausnir enn öflugri, minnka handavinnu og auka nákvæmni.

Tollvís

Nú samþættist Tollvís við Business Central sem einfaldar innflutning og tollskýrlsugerð verulega.

• Sjálfvirk kostnaðarskipting: Tollgjöld dreifast sjálfkrafa sem aðfangakostnaður (e. landed cost) á innkaupapantanir.

• Verðuppfærslur: Kerfið leggur til uppfært sölustig ef vöruverð breytist vegna aðflutningsgjalda.

Rafræn skjöl

Miklar endurbætur hafa verið gerðar á bæði út- og innlestri skjala.

Útflutningur:

• Kerfið velur nú sjálfkrafa rétt útlit (e. layout) á reikningum eða kreditreikningum miðað við greiðslumáta.

• Fullur stuðningur við verkbókhald, þar sem línur eru dregnar saman fyrir rétta flokkun.

• Hægt er að skilgreina sérstök útlit á skýrslum fyrir hvern viðskiptavin.

Innflutningur:

• Nýr leiðarvísir (e. wizard) aðstoðar notendur við að setja upp innlestur rafrænna skjala skref fyrir skref.

• Viðhengi fylgja nú með alla leið yfir í fjárhagsfærslur, sem gerir allan rekjanleika mun auðveldari.

Bankalausnir

• Greiðslur: Kröfunúmer (e. Claim ID) birtist nú í lýsingu greiðslubókarinnar, sem gerir það mun auðveldara að rekja greiðslur til uppruna síns.

• Afstemming: Nú er hægt að stilla breytur á sjálfvirkar keyrslur í afstemmingu, sem eykur sveigjanleika í sjálfvirkni.

Caren

• Sjálfvirk bókun: Færslur sem fluttar eru inn úr Caren bókar kerfið nú sjálfkrafa, sem sparar tíma og dregur úr handavinnu.

• Samskiptaupplýsingar: Nafn og netfang tengiliða flytjast nú sjálfkrafa á milli kerfa.

Til að tryggja að þið fáið sem mest út úr útgáfu 28.0 mælum við með eftirfarandi skrefum:

1. Forgangsröðun: Veljið þær nýjungar sem skipta ykkur mestu máli (t.d. Copilot, skjalageymsla eða Shopify).

2. Prófun í Sandbox: Yfirfarið hvernig uppfærslan hefur áhrif á ykkar sérlausnir og samþættingar.

3. Kynning: Uppfærið verklag og kynnið nýjungarnar fyrir lykilnotendum.