Skiptir hröð endurheimt gagna máli fyrir þitt fyrirtæki ef það verður fyrir árás?

Athugið allir þeir sem voru bókaðir á ráðstefnuna 20. október eiga tryggt sæti á nýrri dagsetningu 17. nóvember.

Á fundinum mun Egill Jóhannsson forstjóri Brimborgar segja okkur frá hvernig stjórnendur brugðust við þegar Brimborg varð fyrir gagnaárás í sumar og hvaða lærdóm þau drógu af árásinni til að tryggja sig betur gegn slíkri ógn í framtíðinni.

Þá munum heyra hvernig hægt er að taka skyndiafrit (snapshot) og skanna daglega afritin af mikilvægustu gögnum fyrirtækisins, sem gerir fyrirtækjum kleift að koma rekstrinum í gang á einum degi í stað vikna.

Reynsluboltar halda erindi

Við fáum góða erlenda gesti í heimsókn, Shelly Howrigon, sem er titluð "Worldwide Sales Leader IBM Storage" og er algjör reynslubolti á sínu sviði enda verið hjá IBM í 36 ár. Síðan mætir á svæðið Barry Whyte (ekki söngvarinn) sem er titlaður "IBM Master Inventor" og hefur verið leiðandi í þróun IBM SAN Volume Controller, Storewize og FlashSystem og lagði hann meðal annars grunn að fyrstu diskastæðunum á markaðnum árið 2007 með SSD sem náðu yfir 1 milljón IOPS.

Shelly og Barry munu kynna nýjungar fyrir IBM Storage og framtíðina á því sviði og ein af þeim er IBM Storage Defender sem er kerfi sem einfaldar yfirsýn og utanumhald, vinnuflæði og verkferla til að lágmarka áhættuna á gagnatapi t.d. vegna net- og gagnaárása. Hér er 3 mínútna myndskeið sem skýrir virknina út á einfaldan hátt. 

Morgunverðarhlaðborð verður frá 08:30 til 09:00 og þá hefst formleg dagskrá sem lýkur kl. 12:00. Tvö stutt hlé verða tekin í dagskránni, það fyrra eftir seinna erindið hennar Shelly Howrigon og hið síðara eftir fyrra erindið hans Barry White.