Að standast stafrænar áskoranir: Leiðin að öruggari rekstri

Vinnustofa

Að standast stafrænar áskoranir: Leiðin að öruggari rekstri

IBM hefur þróað aðferðafræði sem er sérhönnuð til að greina veikleika í netöryggisarkitektúr og bera kennsl á það hvernig hægt er að draga úr stafrænum áhættum. Í því tilefni bjóðum við þér að taka þátt í sérhannaðri vinnustofu þar sem stafrænn viðnámsþróttur (e. Cyber Resilience) verður í brennidepli.

Af hverju að taka þátt?

Á vinnustofunni færðu tækifæri til að greina stöðu þíns fyrirtækis og skoða leiðir til að byggja upp öflugri stafrænar varnir. Þátttakendur munu greina stöðu síns fyrirtækis með því að fara í gegnum grunnmat með IBM Cyber Resilience Assessment og fá skýrslu með niðurstöðum. Í kjölfarið er veitt sérsniðin endurgjöf með tillögum um hvernig byggja megi upp öflugra og öruggara upplýsingaumhverfi.

Fyrir hverja er vinnustofan?

Vinnustofan er sérstaklega gagnleg fulltrúum lítilla og meðalstórra fyrirtækja sem hafa áhuga á að öðlast dýpri skilning á núverandi stöðu fyrirtækis síns og styrkja eigin þekkingu í leiðinni. Athugið að sætaframboð er takmarkað og þátttakendur skráðir í þeirri röð sem skráningar berast.

Leiðbeinendur

Ivo Gomilsek, Senior Infrastructure Architect, Systems hjá IBM NCEE er leiðbeinandi á námskeiðinu. Þar að auki verða Łukasz Pikur og Roman Petrov honum til halds og trausts. Allir þrír hafa áralanga reynslu af innleiðingu og rekstri öryggislausna fyrir stór og meðalstór fyrirtæki. Þeir hafa unnið að fjölbreyttum verkefnum sem tengjast m.a. hönnun, uppsetningu og stjórnun á öruggum kerfum og netlausnum.