Vinnustofa um skrifvarin afrit!

Vinnustofa

Öruggari gögn og hraðari endurheimt með skrifvörðum afritum!

Það þarf vart að nefna að í síbreytilegu stafrænu umhverfi eru gögn fyrirtækisins ein verðmætasta auðlind þess, en um leið afar viðkvæm fyrir hættum eins og gagnagíslatöku, eyðingu eða spillingu. Með IBM Safeguarded Copy, sem innbyggt er í IBM FlashSystems, færðu öfluga vörn sem tryggir skrifvarin skyndiafrit sem hvorki er hægt að breyta né eyða. Þetta tryggir að þú hafir öruggt, sannprófað afrit sem hægt er að endurheimta fljótt í tilfelli hamfara, lágmarka niðritíma og tryggja uppitíma rekstursins.

Af hverju að taka þátt?

Á vinnustofunni færðu tækifæri til að læra á uppsetningu á Safeguarded Copy og Copy Services Manager, auk þess sem sýnt verður hvernig skyndiafrit eru tekin og endurheimt í rekstur. Þátttakendur munu öðlast mikilvæga hagnýta þekkingu á aðferðum við gagnavernd, færni til að bregðast við gagnatjóni eða árásum á skjótan hátt og fá innsýn í bestu starfsvenjur til að tryggja hámarksöryggi gagna.

Fyrir hverja er vinnustofan?

Vinnustofan er sérstaklega gagnleg tæknifólki fyrirtækja sem hafa núþegar fjárfest í IBM FlashSystem og þeim sem hafa áhuga á að kynna sér hraða endurheimt gagna með IBM Safeguarded Copy, sem innbyggt er í IBM FlashSystems.

Athugið að sætaframboð er mjög takmarkað og þátttakendur skráðir í þeirri röð sem skráningar berast.

Leiðbeinendur

Ivo Gomilsek, Senior Infrastructure Architect, Systems hjá IBM NCEE er leiðbeinandi á námskeiðinu. Þar að auki verða Łukasz Pikur og Roman Petrov honum til halds og trausts. Allir þrír hafa áralanga reynslu af innleiðingu og rekstri öryggislausna fyrir stór og meðalstór fyrirtæki. Þeir hafa unnið að fjölbreyttum verkefnum sem tengjast m.a. hönnun, uppsetningu og stjórnun á öruggum kerfum og netlausnum.