Jörðin eins og hnöttótt geimskip á ferð um geiminn

Gögnin 2025 munu ná fram og til baka frá sólu

Mannkynið hefur í gegnum tíðina nýtt sér þekkingu, orku, tækni og tól til að þróa samfélög áfram. Til að læra, gera betur og forðast endurtekin mistök hefur því ávallt verið mikilvægt að geyma og vernda þær upplýsingar sem við höfum á hverjum tíma.  

Gríðarlegt magn af gögnum verður til á degi hverjum, en talið er að umfang gagna í heiminum verði 175 zettabæti árið 2025. Gögnin sem við erum að búa til í dag eru notuð til að þróa sjálfkeyrandi farartæki, mynda nýja bankaþjónustu og vinna sigra í matvælaframleiðslu svo eitthvað sé nefnt.  

Ef öll þessi gögn væru geymd á geisladiskum myndu þeir staflast upp í 300 milljónir kílómetra eða fram og til baka frá sólu, svo ljóst er að mikilvægt er að greina hvaða gögn geta hjálpað til að ná betri árangri og hvaða gögnum er kannski óþarfi að safna.

Sjálfbærni mun hafa áhrif á flestar stórar ákvarðanir í upplýsingatækni

Einn af helstu sérfræðingum IBM, Thomas Harrer, var í heimsókn hjá Origo á dögunum og ræddi m.a. um hvernig sífellt auknar kröfur um sjálfbærni í heiminum hefðu áhrif á upplýsingatæknigeirann.

Thomas tók sem dæmi að IBM hefur fært framleiðslu netþjóna og vélbúnaðar til Evrópu til að stytta afhendingarleiðir og hafa þannig jákvæð áhrif á sjálfbærni. 

Hann vakti athygli á þeirri miklu sóun sem netárásir hafa í för með sér og þann búnað sem getur minnkað þá sóun eins og t.d. IBM Power 10 hýsingarlausnina sem tryggir öryggi og seiglu gagna.