Betri heilsa með tækninni
Heilbrigðis- og velferðarþjónusta samtímans er í síauknum mæli að verða stafræn. Hjá Origo sameinum við sérþekkingu okkar á upplýsingatækni og víðtæka reynslu úr heilbrigðisgeiranum til þess að skapa notendavænar lausnir sem mynda sterkan grunn fyrir heilbrigðis- og velferðarþjónustu dagsins í dag og til framtíðar, okkur öllum til heilla.
Þjónusta
Þjónustuborð Heilbrigðislausna
Þjónusta
Þjónustuver Heilbrigðislausna er opið frá klukkan 8:00 til 17:00 alla virka daga. Þjónustusíminn er 516 1500 og netfangið thjonusta@origo.is
Einnig er hægt að senda þjónustubeiðnir á þjónustugátt Origo.
Opna þjónustugátt
Stafrænar lausnir fyrir heilsu okkar allra
Hjá Heilbrigðislausnum Origo höfum við það markmið styðja við og efla heilbrigðis- og velferðarþjónustu á Íslandi.
Meðal þess sem við gerum er að þróa lausnir sem hjálpa fólki að hafa yfirsýn yfir allt sem tengist eigin heilsu, auk ýmiss konar lausna sem hjálpa heilbrigðisstarfsfólki við sína vinnu.
Fyrir fólkið í landinu
Origo hefur þróað Heilsuveru sem veitir einstaklingum yfirsýn yfir eigin heilsu. Í Heilsuveru geta einstaklingar átt í samskiptum við starfsfólk á sinni heilsugæslustöð, séð yfirlit yfir lyfin sín og óskað eftir lyfjaendurnýjun, framkvæmt tímabókanir, skoðað innlagnir og komur á heilbrigðisstofnanir, tekið afstöðu til líffæragjafar og skoðað bólusetningar, allt á einum stað.
Einnig geta foreldrar sýslað með fyrrgreind atriði fyrir börnin sín í Heilsuveru. Þá geta verðandi mæður haft yfirsýn yfir mælingar úr mæðravernd ásamt aðgangi að sónarmyndum og öðrum skjölum sem ljósmóðir hleður inn í sjúkraskrá.
Fyrir heilbrigðisstarfsfólk
Origo vinnur náið með heilbrigðisstarfsfólki á ýmsum sviðum til þess að skilja þarfir þess og þróa lausnir sem leiða bæði til betri umönnunar sjúklinga og aukinnar skilvirkni starfsfólksins. Ein þessara lausna er Saga, rafrænt sjúkraskrárkerfi sem notað er á öllum helstu heilbrigðisstofnum landsins.
Þá höfum við þróað appið Smásögu sem gerir starfsfólki kleift að skrá og senda gögn í rauntíma til Sögu úr snjallsíma.
Heilbrigt fólk, heilbrigð jörð
Enn einn kostur við lausnirnar okkar á sviði heilbrigðisþjónustu er að þær draga úr orkunotkun og sóun. Þannig sparar til dæmis heimahjúkrunarappið Smásaga starfsfólki óþarfa akstur og dregur úr útblæstri.
Hjá Origo leggjum við okkur líka sérstaklega fram um að gera okkar eigin starfsemi umhverfisvæna. Allur bílafloti fyrirtækisins er rafknúinn og allur úrgangur af starfseminni flokkaður og endurunninn. Starfsfólk okkar getur unnið heima eftir hentugleika, sem fækkar ferðum og eykur afköst.
COVID-19
Heilbrigðistækni á heimsvísu
Í COVID-19 faraldrinum þróaði Origo, í samvinnu við íslensk stjórnvöld og Alþjóðaheilbrigðisstofnunina (WHO), lausnir sem þjónuðu lykilhlutverki í að hjálpa landinu og heimsbyggðinni allri út úr faraldrinum.
Skimanir
Origo þróaði hugbúnað og útvegaði vélbúnað fyrir skimun á íslensku landamærunum á aðeins tíu dögum. Kerfið var síðan tekið upp á öllum opinberum sýnatökustöðum á landinu, meðal annars á Suðurlandsbrautinni þar sem þúsundir einstaklinga fóru daglega í COVID-19 próf þegar mest reyndi á í faraldrinum.
Bólusetningar
Þegar bóluefni við COVID-19 höfðu fengið markaðsleyfi á Íslandi þurfti að hafa hraðar hendur og skipuleggja bólusetningar fyrir viðkvæmustu hópana. Á tveimur vikum tókst Origo að þróa bólusetningarkerfi sem notað var til að bólusetja allra viðkvæmustu hópana í fyrstu en þróaðist síðar í bólusetningarkerfi fyrir alla landsbyggðina. Allir Íslendingar sem voru bólusettir við COVID-19 fengu boð í bólusetningu með strikamerki úr bólusetningarkerfinu sem Origo þróaði.
Bólusetningarvotttorð
Fyrsta rafræna bólusetningarvottorð í heimi var þróað í samstarfi með Evrópusambandinu, sem upprunalega var þróað fyrir Ísland en síðan tekið upp af WHO og notað um allan heim. Þar nýttum við sérþekkingu úr öllum deildum fyrirtækisins til að skapa öruggt, traust og hraðvirkt kerfi sem ráðið gæti við mikið álag. Þessi árangur hefur vakið heimsathygli og fyrirspurnir borist víða að um nýtingu skimunar- og vottorðalausna Origo í ýmsu samhengi í heilbrigðiskerfum annarra landa.
Umsagnir
Hvað segja viðskiptavinir um lausnir og þjónustu Heilbrigðislausna Origo?
- ...
Heilbrigðislausnir
Lausnirnar okkar
Staðreyndir
Vissir þú að?
Appið Smásaga gerir heilbrigðisstarfsfólki kleift að skrá sjúkragögn í gegnum snjalltæki og þannig koma í veg fyrir rangar skráningar og að gögn glatist.
Origo hefur þróað Ölmu, kerfi sem reiknar út almannatryggingar hjá Tryggingastofnun á hverju ári fyrir 85 ma.kr.
Þegar COVID-19 faraldurinn skall á þróaði Origo lausnir fyrir skimun á landamærum Íslands og þróuðum í kjölfarið bólusetningarkerfi og fyrsta stafræna bólusetningarvottorð í heimi
7.000 stafrænir lyfseðlar fara um kerfi Origo á hverjum degi.
Heilbrigðislausnirnar okkar byggja á gömlum grunni sem nær aftur til 1993 þegar þróun Sögu sjúkraskráar hófst.
