Þetta er Origo

Origo er nýsköpunarfyrirtæki með þríþætt framboð í upplýsingatækni: rekstrarþjónustu & innviði, hugbúnað og notendabúnað. Origo á rætur sínar að rekja allt til ársins 1899, frá skrifstofuvélum og fyrstu tölvunni hefur fyrirtækið vaxið og dafnað í áranna rás. Við trúum að „Betri tækni bæti lífið“ og erum stöðugt að þróa lausnir með það markmið að tryggja árangur viðskiptavina okkar.

Plánetan jörð

Það sem við bjóðum

Við búum yfir sérþekkingu sem gerir okkur kleift að þjónusta yfir 30.000 viðskiptavini, hérlendis og erlendis, og snerta marga mismunandi þætti samfélagsins. Þetta eru fyrirtæki, opinberir aðilar og einstaklingar. Við bjóðum upp á öflugt lausnaframboð fyrir lítil, meðalstór og stór fyrirtæki. Allt frá búnaði, stafrænni umbreytingu, kerfisrekstri og þjónustu að upplýsingaöryggi, ERP og BI, ásamt stafrænum heimi. Við bjóðum ennfremur upp á sérhæfðara lausnaframboð fyrir banka, mannauðsdeildir og orkugeirann.

Brand myndefni

Það sem drífur okkur áfram

Við trúum að betri tækni bæti lífið. Reynsla okkar sýnir að við ávinnum okkur traust með sérþekkingu okkar og með því að hlusta á viðskiptavini okkar. Þetta, ásamt þekkingu á markaðnum, gefur okkur tækifæri til að búa til lausnir og þjónustu sem breyta leiknum – til góðs.

Við erum stöðugt að þróa lausnir og þjónustu með það að markmiði að viðskiptavinir okkar skari fram úr.

Origo brand myndefni

Gildi

Betri tækni bætir lífið

Vinnum traust

Origo byggir á hugviti, reynslu og sérþekkingu starfsfólks. Þessi djúpa tækniþekking, ásamt því að hlusta á og skapa virði fyrir viðskiptavininn gerir það að verkum að við ávinnum okkur traust og gerum okkur gildandi í samfélaginu.

Breytum leiknum

Við trúum að betri tækni breyti leiknum og skapi um leið virði fyrir viðskiptavininn. Við viljum að tæknin geri viðskiptavinum okkar kleift að skara fram úr og að hún skipti sköpum.

Þróum áfram

Góðar lausnir þarf stöðugt að þróa áfram til að þær séu fremstar á markaðnum og uppfylli þarfir viðskiptavina. Tæknin er hröð og til þess að hún verði sífellt betri þarf stöðugt að vera að þróa hana áfram – hratt en örugglega.

Sagan nær allt til ársins 1899

Djúpar rætur í íslensku samfélagi

Origo varð til þegar Nýherji, TM Software og Applicon sameinuðust árið 2018. Félagið rekur sögu sína til ársins 1949 og var lengi vel IBM á Íslandi. IBM á Íslandi, og síðar Nýherji, var þekkt fyrir að vera í fararbroddi hérlendis við markaðssetningu á IBM-tölvum og þjónustu við fyrirtæki og heimili. TM Software, sem síðar varð Skyggnir, var á meðal 500 stærstu hugbúnaðarfyrirtækja í Evrópu upp úr aldamótum. Applicon hafði haslað sér völl á Norðurlöndum sem ráðgjafarfyrirtæki á sviði hugbúnaðar.

2023

Origo Lausnir verða til

Notendalausnir Origo verða að sjálfstæðu félagi undir nafninu Origo lausnir. Origo lausnir bjóða upp á tölvubúnað, hljóð- og myndlausnir, fundar- og ráðstefnulausnir, afgreiðslukerfi, prentlausnir, snjallbox og vöruhúsakerfi fyrir fyrirtæki, stofnanir og einstaklinga.

2023

Helix verður til

Heilbrigðislausnir Origo verða að sjálfstæðu félagi undir nafninu Helix. Helix þróar byltingarkenndar tæknilausnir sem styðja við heilbrigðis- og velferðarkerfi landsins.

2022

Origo selur eignarhlut sinn í tempo

Origo selur eftirstandandi eignarhlut sinn í Tempo til Diversis Tempo Holdings fyrir 27,8 milljarða króna.

Tempo

2021

Syndis

Syndis og öryggislausnir Origo sameinast undir merki Syndis

2018

Origo verður til

Nýherji, TM Software og Applicon hafa sameinast undir nýju nafni og sækja nú fram sem eitt öflugt upplýsingatæknifyrirtæki, Origo. Dótturfélögin eru Tempo og Applicon í Svíþjóð.

Höfuðstöðvar Origo að Borgartúni 37 í Reykjavík

2014

Tempo

Rekstur Tempo skilinn frá rekstri TM Software ehf. og stofnað um það sér fyrirtæki.

Tempo logo minna

2008

Þróun Tempo

Þróunarteymi stofnað í kringum Tempo vöruna en hugmyndin hafði fæðst ári áður.

Teymi tekur hönnunarsprett

2007

Nýherji kaupir TM Software

Nýherji breytir innra skipulagi og viðskiptamódeli Nýherja-samstæðunnar árið 2008. Skyggnir ehf. og Vigor ehf. eru skilin frá TM Software, sem var áður móðurfélag þessara eininga

Saga Origo í myndum 8

2005

TölvuMyndir

Nafni fyrirtækisins er formlega breytt úr TölvuMyndir í TM Software.

Saga Origo í myndum 3

2005

DanSupport

Nýherji keypti allt hlutafé í danska félaginu DanSupport A/S, en það var svo selt til Jansson Kommunikation A/S í janúar 2014.

Saga Origo í myndum 7

2005

Applicon

Undirritaður samningur um kaup á danska SAP-ráðgjafarfyrirtækinu Applicon A/S í Kaupmannahöfn. Í byrjun árs 2014 lokið við sölu á dótturfélögum Nýherja í Danmörku, Applicon A/S og Applicon Solutions A/S. Í dag er Applicon með starfsemi á Íslandi og í Svíþjóð. Applicon í Danmörku var síðar selt úr rekstri Nýherja.

Saga Origo í myndum 6

2004

SAP

Í tengslum við aukin erlend verkefni á sviði SAP-hugbúnaðar var dótturfélagið Nýherji A/S í Danmörku stofnað.

Saga Origo í myndum 4

2000

Vigor stofnað

Vigor stofnað sem dótturfélag Tölvumynda. Nýtt húsnæði félagsins í Borgartúni 37 tekið í notkun.

Saga Origo í myndum 5

2000

Klak stofnað

Nýherji stofnar frumkvöðlasetrið Klak.

Klak

1995

Hlutabréf

Viðskipti með hlutabréf félagsins hófust á Opna tilboðsmarkaðinum 30. nóvember 1995 og á Verðbréfaþingi Íslands (nú OMX Nordic Exchange Iceland) 30. október 1997.

Saga Origo í myndum 11

1992

Nýherji hf stofnað

Nýherji verður að veruleika 1992. Gunnar M. Hansson var forstjóri IBM á Íslandi frá 1982 og einnig forstjóri Nýherja hf. frá stofnun þess 2. apríl 1992 og þar til í maí 1996. Frosti Sigurjónsson tók við starfi forstjóra af Gunnari næstu fimm árin. 2001 tók Þórður Sverrisson við starfi forstjóra Nýherja og starfaði fram til ársins 2013. Finnur Oddsson, aðstoðarforstjóri tók við starfi Þórðar það ár.

Saga Origo í myndum 10

1990

Skrifstofuvélar-Sund hf.

Árið 1990 komst Skrifstofuvélar-Gísli J. Johnsen hf. í eigu Óla Kr. Sigurðssonar og kallaðist Skrifstofuvélar-Sund hf. þar til það var sameinað IBM á Íslandi. við stofnun Nýherja hf.

Saga Origo í myndum 1

1987

Skrifstofuvélar-Gísli J. Johnsen hf.

Gísli J. Johnsen-Skrifstofubúnaður sf. Kaupir rekstur og lager Skrifstofuvéla hf. og var starfsemin sameinuð undir nafninu Skrifstofuvélar-Gísli J. Johnsen hf.

Gömul IBM tölva

1986

TölvuMyndir stofnað

TölvuMyndir stofnað á Íslandi af Friðriki Sigurðssyni.

Saga Origo

1967

IBM á Íslandi

IBM á Íslandi verður að veruleika. Skrifstofuvélar lögðu til helming af sínu starfsfólki og var Ottó A. Michelsen forstjóri fyrirtækisins allt til ársins 1982, þegar Gunnar M. Hansson tók við.

Saga Origo í myndum 9

1949

Skrifstofuvélar hf. einkaumboðsaðili fyrir IBM

Árið 1949 urðu Skrifstofuvélar hf. einkaumboðsaðili fyrir IBM hér á landi. IBM á Íslandi hf. var síðan stofnað sem sérstakt fyrirtæki í eigu IBM árið 1967. 

Íslenskt lyklaborð í nærmynd

1946

Stofnun Skrifstofuvéla hf.

Saga IBM á Íslandi hf. hófst með stofnun Skrifstofuvéla hf. árið 1946 en stofnandinn var Ottó A. Michelsen.

Saga Origo í myndum 2

1899

Upphafið

Forsaga Skrifstofuvéla-Sunds hf. nær allt til ársins 1899.

Nærmynd af gamalli IBM tölvu

Starfstækifæri

Erum við að leita að þér?

Origo leggur ríka áherslu á að ráða hæfasta starfsfólk sem völ er á. Við ráðum inn fjölbreyttan hóp fólks með fjölbreytta hæfni og tækniþekkingu.

Starfsfólk Origo